SAN MATEO 23:37 - Chatino Tataltepec

³⁷ ’¡Tya'na̱ tsa cu'ma̱ ngu' Jerusalén! Tucui tsa cha' ntsu'u ji'i̱ ma̱. Tya sa'ni la ndyujuii ma̱ ji'i̱ ñati̱ nu ngua'a̱ lo ycui' Ndyosi cña ji'i̱, masi ngujui'i̱ ma̱ quee ji'i̱ ngu' nu laca tu'ba ji'i̱ Ni. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱ cha' ná ca cuxi ji'i̱ ma̱. Ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ ngua ti' na' cua'ni na' lo'o ma̱; pana ná nda ma̱ chacuayá' 'na tsiya' ti.

SAN MATEO 23:37 Referans Kwoze

SAN MATEO 23:30

“Cuxi tsa ngua'ni jyo'o cusu' ji'i̱ ya cua sa'ni”, nacui̱ ma̱. “Si cua nguti'i̱ ya chalyuu nu ngua tyempo bi', ná lo'o cua ndyujuii ya ji'i̱ ngu' nu ngua tu'ba ji'i̱ ycui' Ndyosi bi'”, nacui̱ ma̱.

SAN MATEO 22:3

Ngulo cña ji'i̱ msu ji'i̱ cha' tsaa ngu', tsaa chcui' ngu' lo'o lcaa ñati̱ nu ntsu'u cha' ji'i̱ lo'o rey, cha' cua ndyalaa tsa̱ nu caca ta'a bi'; pana ná ntaja'a̱ ñati̱ bi' ca̱a̱ ngu' slo rey nu ngua tsa̱ ta'a bi'.

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

1 TESALONICENSES 2:15

Ñi'ya̱ lo'o ndyujuii ngu' judío cuxi nu nguti'i̱ nu ngua sa'ni la ji'i̱ jyo'o nu ngua tu'ba ji'i̱ ycui' Ndyosi, la cui' jua'a̱ cua ndyujuii nu ngu' judío cuxi bi' ji'i̱ ycui' Jesús nu Xu'na na cua tsubi'. Ca tiya' la li' lo'o ji'i̱ cuare ngulo'o nu ngu' judío bi'. Ná ndiya ti' ycui' Ndyosi cha' ndyu'ni ngu' bi' jua'a̱, cha' nxu̱u̱ tya'a ngu' bi' lo'o lcaa ñati̱.

SAN MATEO 22:6

Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

APOCALIPSIS 17:6

Li' na'a̱ na' cha' lye tsa ndyu'ni nu cuna'a̱ bi'; ñi'ya̱ ndu'ni sca nu cu'bi, jua'a̱ ndyu'ni nu cuna'a̱ bi', xqui'ya cha' cua ndyujuii bi' ji'i̱ ñati̱ ji'i̱ ycui' Ndyosi, ndyujuii ji'i̱ ñati̱ nu ná ntsi̱i̱ nchcui' liñi cha' ji'i̱ Jesús nde chalyuu. Lo'o cua na'a̱ na' ji'i̱ nu cuna'a̱ bi', quiña'a̱ tsa cha' ngulacua ti' na' li'.

SAN LUCAS 15:28

Ngunasi̱' tsa sñi' nu cua cusu' la bi' li'. Lo'o na'a̱ sti yu cha' ná ntaja'a̱ yu tya̱a̱ yu ca toni'i̱, li' ndyaa sti yu cha' chcui' lo'o yu.

SAN MATEO 23:31

Jlo ti' ma̱ cha' laca ma̱ la cui' tya'a ñati̱ lo'o jyo'o cusu' ji'i̱ ma̱ nu cua ndyujuii ji'i̱ ngu' nu ngua tu'ba ji'i̱ ycui' Ndyosi nu ngua sa'ni; ña'a̱ ti cuxi tyiquee ma̱ juani, ñi'ya̱ nu cuxi tyiquee jyo'o cusu' ji'i̱ ma̱ nu ngua li'.