SAN MATEO 23:27 - Chatino Tataltepec

²⁷ ’¡Tya'na tsa cu'ma̱ ngu' mstru cha' jo'ó lo'o cu'ma̱ ngu' fariseo, cha' tucua cha' ntsu'u tyiquee ma̱! Ñi'ya̱ sca ni'i̱ sube nu ndu̱ chu̱' cuaá nu ndu'ni ngati̱ ngu' ji'i̱, tso'o tsa ña'a̱ ni'i̱ bi' li', la cui' jua'a̱ laca cu'ma̱. Pana xcui' tyijya̱ jyo'o ntsu'u ne' cuaá bi', xcui' na tyucu̱ ntsu'u bi'.

SAN MATEO 23:27 Referans Kwoze

LOS HECHOS 23:3

―La cui' jua'a̱ quiji'i̱ ycui' Ndyosi jinu'u̱ tu'ni ―nacui̱ Pablo ji'i̱ xu'na sti jo'ó bi' li'―. Cuiñi nu'u̱. ¿Ha liñi tsa ndu'ni nu'u̱ nti'? Nde ndyu'ni cuayá' ma̱ jna' cuentya ji'i̱ chacuayá' nu ntsu'u ji'na, pana cua ngulo nu'u̱ cña cha' quiji'i̱ ya' ngu' tu'ba na', masi ná ntsu'u chacuayá' cua'ni nu'u̱ jua'a̱.

SAN LUCAS 11:44

’Tya'na tsa cu'ma̱ ngu' fariseo, lo'o cu'ma̱ ngu' mstru cha' jo'ó, cha' na ndu'ni ti ma̱ cha' tacati ma̱. Ñi'ya̱ laca sca cuaá nu ntsiya ne' lo'o jyo'o, su ná sca na nscua chu̱', ni quee ná nscua, hasta nsta quiya' ngu' chu̱' bi', cha' ná jlo ti' ngu' cha' cuaá laca; jua'a̱ laca cu'ma̱, cha' na ñilo'o ti ma̱ ji'i̱ ñati̱.

SAN MATEO 23:28

Lo'o jua'a̱ cu'ma̱ ni, tso'o tsa ña'a̱ ma̱ nde chu̱' ma̱, liñi tsa ndu'ni ma̱ nti' ñati̱; pana lo'o ña'a̱ ycui' Ndyosi ca nde ne' ma̱, tucua cha' ntsu'u tyiquee ma̱, cuxi tsa cha' nu ntsu'u ne' cresiya ji'i̱ ma̱, nti' Ni.

GÁLATAS 6:12

Nu ñati̱ nu ndatsaa tsa ji'i̱ ma̱ cha' si'yu quiji̱ ma̱ ñi'ya̱ nu ndu'ni ngu' judío cha' culacua̱ ngu' ni, ndu'ni ngu' jua'a̱ cha' nti' ngu' cha' caca stu'ba cha' ji'i̱ ycui' ngu' lo'o tya'a ngu' judío; li' ná cua'ni lya' ti' tya'a ngu' judío ji'i̱ ngu' bi' si ngusñi ngu' cha' ji'i̱ Jesucristo nu ngujuii lo crusi, nti' ngu'.