SAN MATEO 23:26 - Chatino Tataltepec

²⁶ Na cuityi̱' ma̱, lcaa cu'ma̱ ngu' fariseo. Clyo cua'ni lubii ma̱ ne' cresiya ji'i̱ ycui' ca ma̱, cha' tyanu lubii tyucui ña'a̱ ma̱ li', ñi'ya̱ nti' ndyaati̱ sca tasa, sca ca'ña.

SAN MATEO 23:26 Referans Kwoze

SANTIAGO 4:8

Tso'o tsa xñi ma̱ cha' ji'i̱ ycui' Ndyosi, lo'o li' tucuá Ni cha' ji'i̱ ma̱. Si ntsu'u tsa qui'ya ji'i̱ ma̱, nga'a̱ cha' xtyanu ma̱ lcaa cha' cuxi nu ntsu'u cha' ji'i̱ ma̱ lo'o; jua'a̱ cua'ni tye ma̱ ji'i̱ lcaa cha' cuiñi nu ntsu'u ne' cresiya ji'i̱ ma̱.

2 CORINTIOS 7:1

Cu'ma̱ ngu' tya'a na, nu ntsu'u tsa tyiquee na' ña'a̱ na' ji'i̱ ma̱, jua'a̱ laca cha' nu cua nda ycui' Ndyosi lo'o na, cha' nu caca ji'na nde loo la. Bi' cha' lacua, ntsu'u cha' cua'ni tye na ji'i̱ lcaa cha' cuxi nu nti' cua'ni ñu'u̱ ji'i̱ cresiya ji'na, ji'i̱ tyucui ña'a̱ na. Lo'o jua'a̱ lye tsa cua'ni na cña cha' caca na ñati̱ ji'i̱ ycui' Ni; na laca nu cua'ni na nde chalyuu, cua'ni na ji'i̱ ñi'ya̱ nti' si cua ndu̱ ycui' Ndyosi ña'a̱ Ni ji'na.

HEBREOS 10:22

Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.

SAN MATEO 12:33

’Sca yaca ni, si tso'o yaca, ta si'yu tso'o li'; lo'o jua'a̱ si ná tso'o yaca, ná ta si'yu nu cacu na li'. Jlo ti' na si tso'o yaca lo'o ña'a̱ na si'yu nu nda yaca bi'.

SAN LUCAS 6:45

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

SAN MATEO 14:8

Li' ndacha' xtya'a̱ nu cuna'a̱ bi' ji'i̱, na ca nu jña cho' ji'i̱ Herodes. Ti'í tsa ti' Herodías ña'a̱ ji'i̱ nu Juan bi', bi' cha' ngua ti' cujuii ji'i̱ Juan. ―Hique Juan nu ntyucuatya ji'i̱ ngu' nta̱' ―nacui̱ nu cuna'a̱ cuañi' bi' ji'i̱ Herodes li'―. Ca̱a̱ lo'o ngu' ji'i̱ scua' que yu ne' sca tsi'yu ―nacui̱.

SAN MARCOS 7:4

Lo'o tsaa ngu' lcaya' cui'ya ngu' sca na cacu ngu', tya̱a̱ lo'o ngu' ji'i̱ toni'i̱ li'; pana ná ntsu'u chacuayá' cacu ngu' ji'i̱ si bilya cua'ni lubii ngu' ji'i̱ tyucui ña'a̱ ngu'. Quiña'a̱ tsa cña tacati jua'a̱ cua ngulu'u jyo'o cusu' ji'i̱ ngu' judío cha' cua'ni ngu'; ñi'ya̱ nu tyaati̱ tasa ji'i̱ ngu', ñi'ya̱ nu tyaati̱ castyu, ñi'ya̱ nu tyaati̱ quityu̱' chcua̱, ñi'ya̱ nu tyaati̱ ca'ña, cha' caca lubii scaa na bi' cuentya ji'i̱ ycui' Ndyosi, ngua ti' ngu'.)

SAN LUCAS 11:39

Li' nchcui' ycui' nu Xu'na na lo'o yu fariseo bi': ―Cu'ma̱ ngu' fariseo ―nacui̱ Jesús―, tso'o tsa ndyaati̱ loo ma̱, ndyaati̱ hichu̱' cuaña' ma̱, ñi'ya̱ nti' ndyaati̱ sca tasa, ndyaati̱ sca ca'ña. Pana nde ne' cresiya ji'i̱ ma̱ ni, xcui' cha' cuxi ntsu'u; nti' ma̱ xlyaá ma̱ na nu ntsu'u ji'i̱ xa' ñati̱, lya' ti' ma̱ ji'i̱ ñati̱.