SAN MATEO 23:24 - Chatino Tataltepec

²⁴ Nti' ma̱ culu'u ma̱ cha' ji'i̱ ycui' Ndyosi ji'i̱ xa' ñati̱; pana na cuityi̱' ycui' ca ma̱, cha' ndyacu̱' hique ma̱ ji'i̱ lcaa cha' liñi bi'. Ñi'ya̱ laca si nsubii ma̱ hitya cha' co'o ma̱, cha' ná co'o ma̱ na'ni sube nu ntsu'u lo hitya bi', pana ná ndu'ni cuentya ma̱ ji'i̱, si cua ntyucui̱' ma̱ sca na'ni tlyu la, ñi'ya̱ nti' sca camello.

SAN MATEO 23:24 Referans Kwoze

SAN MATEO 19:24

Lasa la cña tyeje tacui sca na'ni quiya' cuxa, masi sca na'ni tonu ñi'ya̱ nti' sca camello, lasa la cha' bi'; tucui la tyalaa sca ngu' culiya' ca su laca ycui' Ni loo.

SAN MATEO 23:16

’¡Tya'na tsa cu'ma̱! Na cua nti' ma̱ culu'u ma̱ ji'i̱ xa' ñati̱; pana cuityi̱' ycui' ca cu'ma̱, cha' ná nda ma̱ cuentya tsiya' ti. Ndi'ya̱ nchcui' ma̱: “Si cua'ni ngu' jura cuentya ji'i̱ laa tonu re cha' cua'ni lyiji ngu' sca cña, ná sca cha' laca”, nacui̱ ma̱. “Pana si cua'ni ngu' jura cuentya ji'i̱ na oro nu ntsu'u ne' laa cha' cua'ni ngu' cña bi', li' ntsu'u cha' cua'ni ngu' lcaa cña tsiya' ti nu cua nchcui' ngu'”, nacui̱ ma̱.

SAN MATEO 7:4

¿Ni cha' laca tlyu tsa tyiquee ma̱ chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱.

SAN JUAN 18:40

Cui̱i̱ ngusi'ya lo'o ngu' ji'i̱ chaca quiya': ―Si'i ji'i̱ yu jua nti' ya. Ji'i̱ Barrabás cua'ni lyaá nu'u̱ ―nacui̱ ngu'. Lo'o nu naa Barrabás ni, si'i ñati̱ tso'o laca bi'; tyaala tsa Barrabás, la cui' ñati̱ cuaana laca.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN MATEO 15:14

Lo'o jua'a̱ ná tso'o ngu' fariseo jua cuentya ji'i̱ ycui' Ni, bi' cha' nga'a̱ cha' xtyanu ma̱ ji'i̱ ngu' bi'; ñi'ya̱ nti' ngu' cuityi̱', jua'a̱ nti' ngu' fariseo jua ―nacui̱ Jesús―. Si culu'u sca nu cuityi̱' tyucui̱i̱ ji'i̱ chaca yu tya'a cuityi̱' ti yu, tyú tyucuaa ngu' sca to' cua'a̱ li', cha' ni tsaca ngu' ná nchca ña'a̱ ngu' tyucui̱i̱ su lijya̱ ngu' li'.

APOCALIPSIS 12:16

Li' nguxtyucua yuu ji'i̱ nu cuna'a̱ bi', bi' cha' si̱i̱ nchcana tu'ba yuu, ndye hitya ngutu'u tu'ba cuaña ndyo'o yuu li'.