SAN MATEO 23:14 - Chatino Tataltepec

¹⁴ ’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Nxlyaá ma̱ ni'i̱ nu ntsu'u ji'i̱ nu cuna'a̱ ti'i, lo'o li' tyiquee' nchcui' ma̱ lo'o ycui' Ndyosi slo ñati̱ cha' ña'a̱ ti ñati̱ ji'i̱ ma̱. Ná ca cuayá' ti' xa' ñati̱ lcaa cha' cuxi nu ntsu'u ne' cresiya ji'i̱ ma̱ li'. Bi' cha' lye la chcube' ma̱ ca nde loo la.

SAN MATEO 23:14 Referans Kwoze

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MARCOS 12:40

Hasta nxlyaá mstru bi' ni'i̱ ji'i̱ nu cuna'a̱ ti'i, jua'a̱ ji'i̱ lcaa na nu ntsu'u ji'i̱ nu cuna'a̱ bi' nxlyaá ngu'. Tyiquee' nchcui' mstru bi' lo'o ycui' Ndyosi; pana na cuiñi ti ndu'ni ngu' jua'a̱, cha' ña'a̱ ñati̱ ji'i̱ ngu' nti' ngu'. Bi' cha' lye la xcube' Ni ji'i̱ mstru bi', nu lo'o tyalaa tsa̱ cha' cua'ni cuayá' Ni ji'i̱ lcaa ñati̱.

SAN LUCAS 20:47

Hasta nxlyaá ngu' bi' ña'a̱ tsaca ni'i̱ ji'i̱ nu cuna'a̱ ti'i. Cñilo'o ti ngu' bi' ji'i̱ ñati̱ cha' ñati̱ tso'o laca ngu' bi'; bi' cha' quiña'a̱ tsa cha' jo'ó nchcui' ngu', tyiquee' tsa nchcui' ngu' lo'o ycui' Ndyosi li'. Pana tucua cha' ntsu'u tyiquee ngu' bi'; bi' cha' tlyu la cha' ti'í caca ji'i̱ ngu' bi', lye la chcube' ngu' bi' li'.

SAN MATEO 11:24

Liñi cacha' na' ji'i̱ ma̱, cha' caca tso'o la ji'i̱ jyo'o ngu' Sodoma bi' tsa̱ tlyu lo'o cua'ni cuayá' Ni ji'i̱ ñati̱ chalyuu; lye la xcube' Ni ji'i̱ cu'ma̱ li'.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN LUCAS 12:48

Pana chaca msu nu ná ngua cuayá' ti' ni cña ngulo xu'na yu ji'i̱ yu, xti la cha' chcube' yu bi' li'; jo'o la xi quiji'i̱ xu'na yu ji'i̱ yu, masi ndacui cha' chcube' lye yu xqui'ya cña nu ná ngua'ni yu bi'. Nu lo'o ta ycui' Ndyosi tyu̱u̱ lo cha' ji'na, jua'a̱ tyu̱u̱ lo cña ndu'ni cha' cua'ni na cuentya ji'i̱ Ni; la cui' ti cha' lo'o xtyanu ñati̱ quiña'a̱ tsa cña ji'na, li' ndu'ni cha' cua'ni na quiña'a̱ la cña cuentya ji'i̱ ngu' bi'.

2 TIMOTEO 3:6

Lo'o jua'a̱ ntsu'u xi ngu' cuxi bi' nu nñilo'o ji'i̱ ñati̱, nu ndya'a̱ ne' ni'i̱ ji'i̱ ñati̱ cha' culu'u ngu' cha' cuiñi ti ji'i̱ ngu' cuna'a̱ nu ná nclyacua tso'o ti'. Na tonto tsa ngu' cuna'a̱ bi', cha' ntsu'u tsa qui'ya ji'i̱ ngu', cha' nti' tsa ngu' xñi ngu' ji'i̱ cua ña'a̱ ca cha' cuxi.

TITO 1:10

Cua ntsu'u tyu̱u̱ tya'a ngu' nu ná ntaja'a̱ taquiya' ngu' ji'i̱ cha' nu nchcui' ngu' nu laca loo, ntsu'u quiña'a̱ tsa ngu' judío nu ndyu'ni jua'a̱; cuiñi tsa cha' nu nchcui' ngu' bi', cha' jua'a̱ cñilo'o ngu' ji'i̱ tya'a ngu'.

SANTIAGO 3:1

Cu'ma̱ tya'a ngusñi na cha' ji'i̱ Cristo, ná tso'o si tyu̱u̱ tsa tya'a ma̱ culu'u ma̱ ji'i̱ tya'a ñati̱ ma̱; cuayá' xti ti na caca na mstru nu culu'u cha' ji'i̱ ycui' Ndyosi ji'i̱ ngu' tya'a na. Cua jlo ti' ma̱ cha' lye tsa ndi'i̱ loo ngu' ña'a̱ ngu' ji'na, bi' cha' yala tsa chcui' ngu' ji'na si xñi na cña cha' culu'u na ji'i̱ ngu' tya'a na.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.

2 PEDRO 2:14

Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';