SAN MATEO 22:7 - Chatino Tataltepec

⁷ Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN MATEO 22:7 Referans Kwoze

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

SAN LUCAS 21:24

Ntsu'u ngu' nu cajaa laja cha' cusu̱u̱ bi', lo'o jua'a̱ ntsu'u xa' la ngu' nu tyaa ngu' preso lcaa lo yuu su cuentya ji'i̱ xa' nasiyu̱ tyijyu' la. Satá quiya' ngu' xa' tsu' bi' ji'i̱ quichi̱ Jerusalén re, ña'a̱ cuayá' nu tye tyempo nu ngujui chacuayá' ji'i̱ ngu' bi', cha' caca ngu' loo ca nde.

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

SAN LUCAS 21:21

Lo'o li' lcaa cu'ma̱, lo'o lcaa ngu' nu tya ndi'i̱ loyuu su cuentya Judea re, nga'a̱ cha' xna ma̱ tyaa ma̱ tyu'u cuatsi' ma̱ nde ca'ya; jua'a̱ ngu' nu ndi'i̱ quichi̱ Jerusalén re, ntsu'u cha' tyu'utsu' ngu' quichi̱ re; jua'a̱ ngu' nu ndi'i̱ ne' quixi̱', nga'aa caja tyempo cha' tya̱a̱ ngu' nde quichi̱.

SAN MATEO 22:6

Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

SAN MATEO 22:8

Li' nchcui' rey lo'o msu ji'i̱ chaca quiya': “Cua ngua'ni cho'o na' scuaa cha' caca ta'a ngujui clyo'o sñi' na'”, nacui̱ rey bi'. “Pana nu ngu' nu cua nchcui' na' lo'o tsa̱ cha' ca̱a̱ ngu' ta'a ca slo na', ná ntaja'a̱ ngu' bi' ca̱a̱, bi' cha' ná cacu ngu' bi' scuaa tso'o nu ntsu'u 'na tsiya' ti.