SAN MATEO 22:45 - Chatino Tataltepec

⁴⁵ Xu'na na', nchcui' jyo'o David ji'i̱ Cristo. ¿Ñi'ya̱ caca chcui' na cha' ñati̱ tya'a ji'i̱ jyo'o David bi' laca Cristo lacua?

SAN MATEO 22:45 Referans Kwoze

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

HEBREOS 2:14

Nu na, ñati̱ chalyuu na ni, sca ti cuaña' na, sca ti tañi na lo'o ngu' cusu' ji'na, jua'a̱ lo'o ngu' tya'a na. Ca ta'a na nu cua ngusñi na cha' ji'i̱ Jesús laca na ñati̱ chalyuu; bi' cha' lo'o nu Jesús bi' ngua yu ñati̱, cha' li' ngua ji'i̱ yu ngujuii yu cuentya ji'na. Sca ti jua'a̱ ngujui ñi'ya̱ tyiji̱loo yu ji'i̱ nu xña'a̱ nu nclyo cña nde ca bilyaa, su nti' nu xña'a̱ bi' cha' tsaa cresiya ji'i̱ lcaa ñati̱.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.

SAN MATEO 22:44

Ycui' Ndyosi nu laca Xu'na na nacui̱ ji'i̱ Cristo nu Xu'na na' ndi'ya̱: “Tyucua nu'u̱ nde la'a tsu' cui̱ 'na, ña'a̱ cuayá' nu cua'ni tye na' cha' ji'i̱ lcaa tya'a cusu̱u̱ jinu'u̱, cha' caca nu'u̱ loo ji'i̱ lcaa ca cha'”, nacui̱ Ni ji'i̱ Cristo.

SAN MATEO 22:46

Ná ntsu'u ni sca ñati̱ ca bi' nu ngua ji'i̱ xacui̱ cha' ji'i̱ Jesús li'. Lo'o jua'a̱ xa' la tsa̱ nde loo la nga'aa nchcuane ngu' cha' ji'i̱ yu tsiya' ti, cha' ntsi̱i̱ ngu' ji'i̱, ñi'ya̱ nu xacui̱ Jesús cha' ji'i̱ ngu'.