SAN MATEO 22:40 - Chatino Tataltepec

⁴⁰ Su̱u̱ lcaa cha' nu nguscua jyo'o Moisés cuentya ji'i̱ ycui' Ndyosi laca tyucuaa cha' bi', lo'o jua'a̱ su̱u̱ lcaa cha' nu nchcui' ngu' nu ngua tu'ba ji'i̱ ycui' Ndyosi nu ngua sa'ni laca cha' bi'.

SAN MATEO 22:40 Referans Kwoze

ROMANOS 13:9

Tyu̱u̱ lo cña ngulo Ni ji'i̱ ñati̱ nu lo'o nda Ni cha' lo'o Moisés nu ngua sa'ni; ndi'ya̱ nacui̱ Ni: “Ná tyu'u cha' ji'i̱ ma̱ lo'o clyo'o xa' ñati̱”, nacui̱ Ni. “Ná cujuii ma̱ ji'i̱ tya'a ñati̱ ma̱. Ná cuaana ma̱ na nu ntsu'u ji'i̱ tya'a ñati̱ ma̱. Ná tyacui ti' ma̱ na nu ntsu'u ji'i̱ tya'a ñati̱ ma̱”, nacui̱ Ni. Sca ti cuayá' ndyu'u lcaa cha' bi' lo'o chaca cha' nu nchcui' quityi re: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”, nacui̱ Ni.

SAN MATEO 7:12

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.

SANTIAGO 2:8

Tso'o tsa si chañi cha' ndaquiya' ma̱ cha' cusu' nu nscua tya clyo la; ndi'ya̱ nchcui' cha' bi': “Ntsu'u cha' cua'ni tya'na ti' na ji'i̱ tya'a ñati̱ na, ñi'ya̱ laca si ndu'ni tya'na ti' na ji'i̱ ycui' ca na”, nacui̱ quityi.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.

GÁLATAS 5:14

Li' taca cua'ni na lcaa cña nu nti' ycui' Ndyosi cha' cua'ni na, si taquiya' na ji'i̱ sca ti cha'cña nu nchcui' ndi'ya̱: “Nga'a̱ cha' tso'o ti tyu'u tyiquee na ña'a̱ na ji'i̱ xa' la ñati̱, ñi'ya̱ nu tso'o tsa ntsu'u tyiquee na ña'a̱ na ji'i̱ ycui' ca ti na”.