SAN MATEO 22:37 - Chatino Tataltepec

³⁷ Li' nguxacui̱ Jesús cha' ji'i̱ yu bi': ―“Ntsu'u cha' tyucui tyiquee ma̱ tyu'u cha' ji'i̱ ma̱ lo'o ycui' Ndyosi; nu lo'o lubii ti cresiya ji'i̱ ma̱, jua'a̱ lo'o lcaa cha' nu nda'ya hique ma̱, tyu'u cha' ji'i̱ ma̱ lo'o Ni”.

SAN MATEO 22:37 Referans Kwoze

SAN LUCAS 10:27

Li' nchcui' mstru cha' jo'ó bi': ―Ndi'ya̱ nchcui' cha' cusu' bi' ―nacui̱ mstru bi'―, cha' tso'o tsa tyu'u tyiquee na ña'a̱ na ji'i̱ ycui' Ndyosi, jua'a̱ tyucui tyiquee na taquiya' na ji'i̱ ycui' Ni, jua'a̱ cua'ni tlyu na ji'i̱ Ni lo'o lcaa cha' nu ca'ya hique na, jua'a̱ tyucui juersa ji'na cua'ni tlyu na ji'i̱ ycui' Ni. Lo'o jua'a̱ nga'a̱ cha' cua'ni tya'na ti' na ji'i̱ tya'a ñati̱ na, ñi'ya̱ nu nti' na cha' cua'ni tya'na ti' xa' ñati̱ ji'na.

SAN MARCOS 12:33

Lo'o jua'a̱ tyucui tyiquee na nga'a̱ cha' tyu'u cha' ji'na lo'o ycui' Ndyosi, jua'a̱ lo'o lcaa cha' nu nda'ya hique na, jua'a̱ lo'o tyucui juersa ji'na tyu'u cha' ji'na lo'o Ni; ndu'ni tsa cha' cua'ni na jua'a̱. Lo'o jua'a̱ cha' cua'ni tya'na ti' na ji'i̱ tya'a ñati̱ na, ñi'ya̱ nu tya'na ti' na ña'a̱ na ji'i̱ ycui' ca na, tso'o tsa cha' bi'. Nu lo'o cua'ni na cña jua'a̱, quiña'a̱ tsa cha' tso'o ndyu'ni na li'. Xtyi la cha' ndulo ji'na cha' tsaa lo'o na msta̱ nu caca ji'i̱ ycui' Ndyosi, masi msta̱ ndyaqui̱, masi na'ni lu'ú nu cujuii na ca ne' laa cha' caca msta̱.

ROMANOS 8:7

Tya'a cusu̱u̱ ycui' Ndyosi laca na, si ña'a̱ ti ndu'ni na cha' cuxi ñi'ya̱ nu ndu'ni ñati̱ chalyuu ti; ná nchca ji'na tsiya' ti taquiya' na ji'i̱ cha' nu nda ycui' Ni lo'o na, si ña'a̱ ti tya nti' na cua'ni na cha' cuxi.

SAN MATEO 22:36

―Mstru ―nacui̱ yu bi' ji'i̱ Jesús―, ¿ñi'ya̱ cha' laca nu ndulo la ji'na cha' cua'ni na, cha' nu nda ycui' Ni lo'o jyo'o Moisés sa'ni la?

SAN MATEO 22:38

Bi' laca cha' nu tlyu la, nu ndulo la ji'na cha' cua'ni na.

1 JUAN 4:21

Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.