SAN MATEO 22:36 - Chatino Tataltepec

³⁶ ―Mstru ―nacui̱ yu bi' ji'i̱ Jesús―, ¿ñi'ya̱ cha' laca nu ndulo la ji'na cha' cua'ni na, cha' nu nda ycui' Ni lo'o jyo'o Moisés sa'ni la?

SAN MATEO 22:36 Referans Kwoze

SAN LUCAS 11:42

’Tya'na tsa cu'ma̱ ngu' fariseo ―nacui̱ Jesús―. Tacati tsa ndu'ni ma̱ lo'o ycui' Ndyosi lo'o lcaa na xca ti nu ntsu'u ji'i̱ ma̱, jua'a̱ lo'o nda ma̱ msta̱ ji'i̱ Ni ne' laa; sa yu'be lcaa quixi̱' nu tso'o xtyi'i, sa yu'be lcaa quixi̱' nu nda xtyi'i ji'i̱ scuaa, nda ma̱ cha' bi' ji'i̱ ycui' Ndyosi clyo lo'o ngüi'ya ca ti ma̱ ji'i̱. Pana ná liñi ndu'ni cuayá' ma̱ ji'i̱ ñati̱, lo'o jua'a̱ ná ntsu'u tyiquee ma̱ ña'a̱ ma̱ ji'i̱ ycui' Ndyosi tsiya' ti; bi' laca cña nu nga'a̱ cha' cua'ni ma̱ yala la, masi ña'a̱ ti cua'ni ma̱ nu xa' la cña sube bi'.

SAN MATEO 15:6

Jua'a̱ laca cha' cuxi nu nclyu'u ma̱ ji'i̱ ngu', cha' nga'aa cua'ni tlyu ngu' ji'i̱ sti ngu', ji'i̱ xtya'a̱ ngu'; jua'a̱ nchcui' ma̱, masi xa' ña'a̱ ngulo ycui' Ndyosi cña ji'na. Nga'aa tso'o cha' nu nda ycui' Ni lo'o na, nti' ma̱; tso'o la cha' nu nda jyo'o cusu' cha' cua'ni na, nti' ma̱ cuentya ji'i̱ ma̱.

SAN MATEO 22:35

Lo'o jua'a̱ nga'a̱ sca ngu' fariseo nu jlo tsa ti' lcaa cha' ji'i̱ ycui' Ndyosi nu nguscua jyo'o Moisés. Li' nchcuane yu ji'i̱ Jesús cha' chcui' cuayá' yu lo'o:

SAN MATEO 22:37

Li' nguxacui̱ Jesús cha' ji'i̱ yu bi': ―“Ntsu'u cha' tyucui tyiquee ma̱ tyu'u cha' ji'i̱ ma̱ lo'o ycui' Ndyosi; nu lo'o lubii ti cresiya ji'i̱ ma̱, jua'a̱ lo'o lcaa cha' nu nda'ya hique ma̱, tyu'u cha' ji'i̱ ma̱ lo'o Ni”.