SAN MATEO 22:30 - Chatino Tataltepec

³⁰ Nu lo'o tyu'ú lcaa jyo'o chaca quiya', nga'aa ntsu'u cha' caja clyo'o ngu' ca bi'; tyi'i̱ ngu' li' ñi'ya̱ ndi'i̱ xca̱ ji'i̱ ycui' Ndyosi ca slo Ni.

SAN MATEO 22:30 Referans Kwoze

SAN MATEO 24:38

Ñi'ya̱ ngua tyempo ji'i̱ Noé bi', nu lo'o bilya ca'ya tyo clyaa, jua'a̱ caca tsa̱ bi'. Ndi'ya̱ ngua sa'ni: ngua'ni ngu' ta'a, ndyacu ngu', ndyi'o ngu', ngujui clyo'o ngu'; ná ntsu'u cha' ngulacua ti' ngu' tsiya' ti, ngua ti' ngu', hasta ña'a̱ cuayá' nu ndyatí̱ Noé bi' ne' yaca ni'i̱ ji'i̱.

APOCALIPSIS 19:10

Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.

SAN LUCAS 17:27

Tya'a stu'ba jyo'o Noé bi' ni, ngua'ni ngu' ta'a, ndyacu ngu', ndyi'o ngu', ngujui clyo'o ngu'; tsa bi' ti cha' ndube ti' ngu' ña'a̱ cuayá' nu ndyalaa tyempo ngüiñá nu Noé bi' yaca ni'i̱ tonu. Li' ndyatí̱ yu ne' yaca ni'i̱ bi' lo'o lcaa na nu ntsu'u ji'i̱ yu. Lo'o li' ngua'ya tyo clyaa bi', ndye ñati̱ chalyuu ngujuii ngu'.

SAN MATEO 13:43

Pana tyanu lcaa ngu' nu lubii tyiquee ca su laca ycui' Ndyosi Sti na loo; caca ndubi tsa ña'a̱ loo ngu' bi' li', ñi'ya̱ ndubi xee cuichaa, xqui'ya cha' ngua lubii cresiya ji'i̱ ngu' tsiya' ti cuentya ji'i̱ ycui' Ni. Cua'a̱ jyaca̱ ma̱ ji'i̱ cha' nu nchcui' na' lo'o ma̱, si chañi cha' nti' ma̱ cuna ma̱.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 22:31

Chañi cha' ntsu'u cha' tyu'ú lcaa jyo'o chaca quiya'. ¿Ha bilya chcui' ma̱ cha' lo quityi nu nchcui' ycui' Ndyosi lo'o ma̱? Ndi'ya̱ nchcui' quityi bi':