SAN MATEO 22:29 - Chatino Tataltepec

²⁹ Li' nguxacui̱ Jesús cha' ji'i̱ ngu' bi': ―Ná jlo ti' ma̱ tsiya' ti, cha' ná nchca cuayá' ti' ma̱ ji'i̱ quityi ji'i̱ ycui' Ndyosi; ná nchca cuayá' ti' ma̱ cha' nchca tsa ji'i̱ ycui' Ni cua'ni Ni cña tonu.

SAN MATEO 22:29 Referans Kwoze

SAN JUAN 20:9

li' ngua cuayá' ti' ngu' cha' ñi'ya̱ nu nscua lo quityi cusu' cha' ntsu'u cha' tyu'ú Jesús chaca quiya' lo'o nguatsi', jua'a̱ ngua cha' bi'.

ROMANOS 15:4

Lcaa quityi nu nguscua jyo'o cusu' tya sa'ni la ni, nclyu'u quityi bi' ji'na ñi'ya̱ nu caca jatya na ji'i̱ sca cha' nu lijya̱ nde loo la; nda quityi cha' lo'o na ñi'ya̱ xtyucua ycui' Ndyosi ji'na cha' talo tsa tyiquee na laja lo'o ndu̱ ti' na ji'i̱ Ni.

SAN LUCAS 1:37

Ni sca cha' ná tucui nti' ycui' Ndyosi.

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

LOS HECHOS 26:8

¿Ni cha' laca ntsu'u ñati̱ cu'ma̱ nu ná jlya ti' cha' nchca ji'i̱ ycui' Ndyosi cua'ni Ni cha' tyu'ú jyo'o chaca quiya'?

SAN MATEO 22:28

Nu lo'o tyu'ú lcaa jyo'o chaca quiya' ni, ¿ñi'ya̱ nu laca clyo'o ca nu cuna'a̱ bi', cha' ca ta'a cati tya'a nu tya'a ngula ngu' ngujui clyo'o ngu' lo'o?

SAN MARCOS 12:24

―Ná jlo ti' ma̱ tsiya' ti ―nacui̱ Jesús ji'i̱ ngu' bi'―, cha' ná nchca cuayá' ti' ma̱ ñi'ya̱ cha' nu nscua lo quityi ji'i̱ ycui' Ndyosi. Ná nchca cuayá' ti' ma̱ ñi'ya̱ ña'a̱ cña tonu tsa nu nchca ji'i̱ ycui' Ndyosi cua'ni Ni.

1 CORINTIOS 15:34

Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.