SAN MATEO 22:24 - Chatino Tataltepec

²⁴ ―Mstru ―nacui̱ ngu' bi' ji'i̱―, sa'ni la nda jyo'o Moisés sca cha' lo'o na cuentya ji'i̱ tya'a ngula ngu'. Nu lo'o cua ngujuii tsaca yu ni, si cua ngujui clyo'o yu pana bilya caja sñi' yu, li' ntsu'u cña ji'i̱ tya'a ngula yu nu ntucua ycui' ti cha' caja clyo'o lo'o nu cuna'a̱ nu ngua clyo'o jyo'o tya'a yu. Li' chcui' ngu' ji'i̱ sñi' clyo ngu' cha' sñi' nu qui'yu nu cua ngujuii bi' laca bi', cha' ná chcuna' xtañi yu nu cua ngujuii bi'. Jua'a̱ nchcui' Moisés sa'ni la.

SAN MATEO 22:24 Referans Kwoze

SAN LUCAS 20:28

Lo'o li' nacui̱ ngu' bi' ji'i̱ Jesús: ―Mstru ―nacui̱ ngu'―, nu ngua sa'ni nguscua jyo'o Moisés sca cha' lo quityi nu ndyanu ji'na. Ndi'ya̱ nchcui' cha' bi': nu lo'o cua ngujuii sca nu qui'yu lo'o ndyanu ti'i clyo'o yu, si ná ndi'i̱ ni sca sñi' ngu', li' ntsu'u cha' ji'i̱ tya'a ngula yu nu ntucua ycui' ti cha' caja clyo'o lo'o nu cuna'a̱ ti'i bi'. Lo'o caja sñi' ngu' li', sñi' tya'a yu nu cua ngujuii laca sñi' clyo ñacui̱ ngu'.

SAN MARCOS 12:19

―Mstru ―nacui̱ ngu' bi'―, sa'ni la nguscua jyo'o Moisés sca cha' lo quityi cuentya ji'i̱ tya'a ngula ngu'. Nu lo'o cua ngujuii tsaca yu ni, si cua ngujui clyo'o yu pana bilya caja sñi' yu, li' ntsu'u cña ji'i̱ tya'a ngula yu nu ntucua ycui' ti cha' caja clyo'o lo'o nu cuna'a̱ clyo'o jyo'o tya'a yu. Li' chcui' ngu' ji'i̱ sñi' clyo ngu' cha' sñi' nu qui'yu nu cua ngujuii bi' laca bi', cha' ná chcuna' xtañi yu nu cua ngujuii bi'. Jua'a̱ nchcui' Moisés cua sa'ni la.

SAN LUCAS 6:46

Tya nda Jesús chaca cui̱i̱ lo'o ngu' li': ―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―.

SAN MATEO 22:36

―Mstru ―nacui̱ yu bi' ji'i̱ Jesús―, ¿ñi'ya̱ cha' laca nu ndulo la ji'na cha' cua'ni na, cha' nu nda ycui' Ni lo'o jyo'o Moisés sa'ni la?

SAN MATEO 22:16

Li' ngulo ngu' bi' cña ji'i̱ xi ngu' cuañi' nu ndyaca tsa'a̱ cha' ji'i̱ ngu' fariseo, cha' chcui' cuayá' ngu' cuañi' bi' lo'o Jesús, ngua ti' ngu'. Li' ndyaa ngu' bi' slo Jesús lo'o xi xa' la ñati̱ nu ndya'a̱ lo'o taju ngu' nu cuentya ji'i̱ rey Herodes. ―Mstru ―nacui̱ nu ngu' cuañi' bi' ji'i̱ Jesús li'―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ ndañi cha' nu nchcui' ngu' jinu'u̱; sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

SAN MATEO 22:25

Ndi'ya̱ ngua sca quiya': Ntsu'u cati tya'a nu qui'yu tya'a ngula, tya'a quichi̱ tyi ya. Li' ngujui clyo'o nu ngula clyo, pana yala tsa ngujuii yu, lo'o bilya caja sñi' yu. Li' ndyanu nu cuna'a̱ bi' cuentya ji'i̱ tya'a yu.

SAN LUCAS 20:33

Nu lo'o tyu'ú lcaa jyo'o chaca quiya', ¿tilaca laca nu caca clyo'o nu cuna'a̱ bi' chañi ca? Lo'o ngutu'ú nu cuna'a̱ bi' chalyuu, ngujui clyo'o cho' lo'o tsaca yu, lo'o li' ngujui clyo'o cho' lo'o chaca yu, ña'a̱ cuayá' nu ngujui clyo'o lo'o ca ta'a cati tya'a ngu' bi'. ¿Tilaca laca nu chañi ca cha' ngua clyo'o cho' bi'?