SAN MATEO 22:13 - Chatino Tataltepec

¹³ bi' cha' ngulo rey bi' cña ji'i̱ msu ji'i̱: “Xñi ma̱ ji'i̱ nu qui'yu re, sca̱' ma̱ ya' yu, lo'o jua'a̱ sca̱' ma̱ quiya' yu. Lo'o li' xcua̱a̱ ma̱ ji'i̱ yu nde ca bilyaa su talya tsa ña'a̱, ca su nxi'ya tsa ngu' ndi'i̱ ngu', ca su lye tsa ndacu la'ya ngu' cha' ñasi̱' ngu'”, nacui̱ rey bi'.

SAN MATEO 22:13 Referans Kwoze

SAN MATEO 8:12

Lo'o jua'a̱ ntsu'u xa' la ñati̱ nu laca sñi' ycui' Ndyosi nacui̱ ngu', pana ná tyalaa ngu' bi' slo ycui' Ni. Culo Ni cña ji'i̱ xca̱ ji'i̱ Ni cha' tsaa xca̱ xcua̱a̱ ji'i̱ ngu' bi' ca su talya tsa ña'a̱; xi'ya tsa ngu' bi' ca bi', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' ngu'.

SAN MATEO 25:30

Nu juani tsaa lo'o ma̱ ji'i̱ msu xña'a̱ re, cha' xcua̱a̱ ma̱ ji'i̱ yu ca bilyaa, su nxi'ya tsa ngu', lo'o jua'a̱ lye tsa ndacu la'ya ngu' cha' ñasi̱' ngu', cha' lye tsa nchcube' ngu' cajua.”

2 PEDRO 2:17

Taca chcui' na cha' laca nu ngu' cuiñi bi' ñi'ya̱ laca sca pilya nu ngüityi tsiya' ti, nu nga'aa ntsu'u hitya ne'. La cui' jua'a̱ laca ngu' bi' ñi'ya̱ laca sca coo ngati̱ ti, nu nxna tsa xqui'ya cui'i̱, pana ná ndu'ni bi' cha' ca'ya tyo; na ndya'a̱ ti bi' nde cua̱. Lo'o nu ngu' cuiñi bi' ni, ná ntsu'u cha' tso'o tyiquee ngu' tsiya' ti, bi' cha' ntsu'u cha' tsaa ngu' bi' ca su talya tsa ña'a̱; ca jua cua ngüiñá ycui' Ndyosi sca se'i̱ nu cuxi tsa ña'a̱, su tsaa ngu' nu ndu'ni jua'a̱.

2 PEDRO 2:4

Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.

2 TESALONICENSES 1:9

Chañi cha' xcube' Ni ji'i̱ ngu' bi'; nga'aa ña'a̱ ngu' bi' ji'i̱ ycui' nu Xu'na na tsiya' ti, nga'a̱ cha' tsaa ngu' ca su ná nga'a̱ cha' tye cha' chcube' ngu'. Nga'aa ña'a̱ ngu' bi' xee ndubi ji'i̱ ycui' Ni li', nga'aa ña'a̱ ngu' ji'i̱ ycui' Ndyosi nu nchca ji'i̱ ndu'ni lcaa cña tsiya' ti.

SAN LUCAS 13:28

Xi'ya tsa ma̱ li', cacu la'ya ma̱ cha' lye tsa ñasi̱' ma̱. Ca xñi'i̱ tsa ti' ma̱ lo'o ña'a̱ ma̱ su ndi'i̱ quiña'a̱ tsa ñati̱ slo ycui' Ndyosi ca lo'o tye chalyuu; masi jyo'o Abraham, masi jyo'o Isaac, masi jyo'o Jacob, masi lcaa jyo'o cusu' nu ngua tu'ba ji'i̱ ycui' Ndyosi sa'ni la, ña'a̱ ma̱ ji'i̱ ngu' ndi'i̱ ngu' ca bi'. Lo'o cu'ma̱ ni, xtyanu Ni ji'i̱ ma̱ nde liya'.

SAN MATEO 24:51

Li' lye xcube' xu'na yu ji'i̱ msu xña'a̱ bi', ña'a̱ cuayá' nu cajaa msu bi'; culo xu'na yu cña ji'i̱ msu bi', cha' tsaa yu ca bilyaa su lye tsa nchcube' ngu', ca su nxi'ya tsa ngu', lo'o jua'a̱ ndacu tsa la'ya ngu' cha' ñasi̱' ngu'. Stu'ba ti tsaa yu lo'o ngu' cuiñi nu tucua cha' ntsu'u tyiquee ngu'.

SAN MATEO 13:50

Xcua̱a̱ xca̱ bi' ji'i̱ ñati̱ xña'a̱ lo quii' tlyu, masi xi'ya tsa ngu' bi' li'; ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

SAN MATEO 13:42

Li' xcua̱a̱ xca̱ ji'i̱ ngu' bi' lo quii' tlyu; xi'ya tsa ngu' ca bi' li', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

APOCALIPSIS 21:27

pana ni sca cha' cuxi ná taca tyatí̱ quichi̱ bi'. Lcaa ñati̱ nu ndu'ni suba' lo'o nu cuna'a̱, jua'a̱ ngu' cuiñi, ná caja chacuayá' tyatí̱ ngu' ca quichi̱ bi'; ñati̱ nu ntsu'u xtañi lo quityi nu ntucua ya' nu ñi'ya̱ ña'a̱ xlya' bi', nu ndacha' tilaca laca nu ná nga'a̱ cha' tye chalyuu ji'i̱, bi' ti ñati̱ laca nu caja chacuayá' ji'i̱ tyalaa ca quichi̱ bi'.

JUDAS 1:13

Ñi'ya̱ nxasu clyoo' tyujo'o, nchcua̱a̱ clyoo' ngo' cuu' ca to' hitya, jua'a̱ laca cña cuxi nu ndyu'ni ngu' bi'; ñi'ya̱ laca sca cuii nde cua̱ nu ngusna ndyaa xa' tyucui̱i̱ cha' nga'aa ta xee nde talya, jua'a̱ laca ngu' cuiñi bi'. Pana cua ngua'ni cho'o ycui' Ndyosi sca se'i̱ su ná ntsu'u xee tsiya' ti su tyaa nu ngu' cuiñi bi'.

JUDAS 1:6

Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.

LOS HECHOS 7:54

Nu lo'o ndyuna ngu' cha' nu nchcui' Esteban, ngua ñasi̱' tsa ngu' li', tyaala tsa ndi'i̱ cloo ngu' cha' ñasi̱' ngu'.

SAN MATEO 13:30

Tso'o la jatya na xi cha' caluu tyucuaa lo, ña'a̱ cuayá' nu cumi̱ trigo bi'. Li' clyo culo na' cña ji'i̱ ngu' cha' tsaa ngu' xi'yu ngu' quixi̱', cha' tyaaca̱' cuentya yane ti cha' tyaqui̱ lo quii'; li' caca clacua, nu lo'o si'yu ngu' lcaa trigo cha' tyu'u co'o ne' ja'ba.”

SAN MATEO 12:29

’Sca ñati̱ nguula ni, ná caja ñi'ya̱ tyatí̱ ngu' to' tyi yu cha' cuaana ngu' yu'ba ji'i̱ yu; sca ti si sca̱' ngu' ji'i̱ xu'na ni'i̱ clyo, taca cuaana ngu' na nu ntsu'u ji'i̱ yu bi' li'.

LOS HECHOS 21:11

Lo'o ndyalaa yu ca slo ya, li' ngulo yu juata nu ndyaaca̱' sii' Pablo, li' ya' yu lo'o quiya' yu ngusca̱' yu lo'o juata bi'. ―Cua nchcui' Xtyi'i ycui' Ndyosi lo'o na' cha' ñi'ya̱ nu ndyaaca̱' ycui' na', jua'a̱ sca̱' ngu' judío tya'a na ji'i̱ ñati̱ nu ca ji'i̱ juata re ca Jerusalén ―nacui̱ Agabo ji'i̱ ya―. Tsaa lo'o ngu' ji'i̱ ñati̱ bi' slo ngu' xa' tsu' cha' xcube' ngu' ji'i̱ yu ―nacui̱.

SAN JUAN 21:18

Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.