SAN MATEO 22:12 - Chatino Tataltepec

¹² Li' nchcuane rey ji'i̱ nu qui'yu bi': “Chocue”, nacui̱, “¿ni cha' ndyatí̱ nu'u̱ ni'i̱ re lo'o ná lacu' nu'u̱ late' ji'i̱ ta'a nu cua nda na' jinu'u̱?” Pana ná ngujui ñi'ya̱ xacui̱ nu qui'yu bi' cha' ji'i̱ rey li';

SAN MATEO 22:12 Referans Kwoze

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

SAN MATEO 20:13

Li' nguxacui̱ xu'na cña bi' cha' ji'i̱ msu ñasi̱' bi': “Si'i cha' cuxi nu ndyu'ni na' lo'o ma̱. ¿Ha si'i na cua ngüiñi cha' jna' lo'o ma̱ ni tsa lo xcaya' nu ta na' ji'i̱ ma̱? Lo'o jua'a̱, tsa lo cua cñi xcaya' cu'ma̱ nda na' ji'i̱ ma̱ juani.

TITO 3:11

Cua ngunu'u̱ tsiya' ti cha' nu ntsu'u hique ngu', lo'o jua'a̱ ntsu'u qui'ya ji'i̱ ngu' bi'; hasta ycui' ngu' bi' jlo ti' ngu' cha' ntsu'u qui'ya ji'i̱ ngu'.

SAN MATEO 26:50

Li' nacui̱ Jesús ji'i̱ Judas bi': ―Tya'a tso'o na' ngua nu'u̱ nquicha' ―nacui̱―. ¿Ni cña lijya̱ nu'u̱ ca nde juani? Li' ntejeya' ngu' tyaala bi' ji'i̱ Jesús, cha' tyaa lo'o ngu' ji'i̱.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

SAN MATEO 5:20

Ndi'ya̱ ñacui̱ na' ji'i̱ ma̱ juani: ná caja chalyuu nu ná nga'a̱ cha' tye ji'i̱ ma̱, si ná tso'o la cha' nu cua'ni ma̱, si'i ñi'ya̱ nu ndu'ni ngu' tacati jua, nu ngu' fariseo bi' lo'o jua'a̱ nu mstru cha' jo'ó bi'.