SAN MATEO 21:44 - Chatino Tataltepec

⁴⁴ Lo'o cha' ji'i̱ quee tonu bi' ni, na' laca̱ ñi'ya̱ laca quee tonu bi'; ñi'ya̱ nu ngua'ni cuityi ni'i̱ lo'o quee bi', jua'a̱ ndyu'ni ma̱ lo'o na'. Pana si nti' ñati̱ tacu̱' ngu' lo cha' jna', nga'aa tso'o tyi'i̱ ñati̱ bi' li'; lo'o cua'ni cuayá' Ni ji'i̱ lcaa ñati̱ chalyuu, tye cha' tsiya' ti ji'i̱ ñati̱ nu ná ntaja'a̱ xñi cha' jna' nu lo'o ya̱a̱ ngu' nde chalyuu.

SAN MATEO 21:44 Referans Kwoze

1 PEDRO 2:8

Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.

ROMANOS 9:33

Cha' ji'i̱ quee bi' nscua sca cha' lo quityi cusu', nu nchcui' ndi'ya̱: Sta na' sca quee nu xtyii tyucui̱i̱ su ndya'a̱ ngu' Israel, ngu' quichi̱ Sión bi', nacui̱ ycui' Ndyosi. Jesús laca ñi'ya̱ laca quee bi', lo'o jua'a̱ ta Jesús sca cha' tyuju'u ti' ji'i̱ ngu' bi'; tyu̱u̱ tya'a ngu' bi' ca tyuju'u ti' ngu' xqui'ya Jesús bi'. Pana ná ntsu'u cha' caca taja ti' ngu' ji'i̱ Jesús, si cua ngusñi ngu' cha' ji'i̱.

SAN LUCAS 20:18

Na' laca̱ ñi'ya̱ laca quee tonu bi' ―nacui̱ Jesús―, cha' ñi'ya̱ nu ngua'ni cuityi ni'i̱ lo'o quee bi', jua'a̱ ndyu'ni ma̱ lo'o na'. Pana si nti' ñati̱ cua'a ji'i̱ cha' jna', nga'aa tso'o tyi'i̱ ñati̱ bi' li'; lo'o cua'ni cuayá' Ni ji'i̱ lcaa ñati̱ chalyuu, tye cha' tsiya' ti ji'i̱ ñati̱ nu ná ntaja'a̱ xñi cha' jna' lo'o tya nguti'i̱ ngu' nde chalyuu.

SAN MATEO 27:25

―Tso'o ―nacui̱ nu ngu' quiña'a̱ bi'―, tyanu qui'ya hichu̱' ya, lcaa ya lo'o sñi' ya; pana ntsu'u cha' cajaa yu re.

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN JUAN 19:11

―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN MATEO 21:45

Sti jo'ó nu laca loo lo'o ngu' fariseo ni, nu lo'o ndyuna ngu' cui̱i̱ nu cua nchcui' ca ti Jesús lo'o ngu', nu nchcui' cha' ji'i̱ ngu' tyaala nu ngua'ni cña ne' lo'o ji'i̱ nu culiya' bi', lo'o jua'a̱ nu nchcui' cha' ji'i̱ ngu' cuityi ni'i̱ nu ná tso'o, li' ngua tii ngu' nu laca loo bi', cha' nchcui' ca'a̱ Jesús cha' ji'i̱ ycui' ngu' bi'.

SAN LUCAS 2:34

Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.