SAN MATEO 21:28 - Chatino Tataltepec

²⁸ Tya ngulu'u la Jesús xi cha' ji'i̱ ngu' li': ―Chcui' na' sca cui̱i̱ re lo'o ma̱, lo'o li' xacui̱ ma̱ cha' jna' ―nacui̱ Jesús ji'i̱ ngu'―. Cua ndi'i̱ sca nu cusu' nu ntsu'u tucua tya'a sñi' qui'yu ji'i̱. Li' nchcui' nu cusu' bi' lo'o sñi' nu ngula clyo: “Sñi'”, nacui̱ ji'i̱ sñi' clyo bi', “yaa nu'u̱ cua'ni cña ne' lo'o 'na juani, su ntsu'u yaca si'yu losu' tyixi 'na”.

SAN MATEO 21:28 Referans Kwoze

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

1 CORINTIOS 10:15

Nti' na' cha' nduna tso'o ma̱, cua laca nclyacua tso'o ti' ma̱ nti' na', bi' cha' nchcui' na' lo'o ma̱ jua'a̱. Taca cui'ya ma̱ cuentya cha' chañi laca cha' nu nda na' lo'o ma̱ juani.

SAN MATEO 20:1

’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.

SAN MARCOS 13:34

Ñi'ya̱ laca lo'o cua tsaa ti sca ñati̱ tlyu tyijyu': lo'o cua tsaa ti yu, ta yu cña ji'i̱ msu cha' ña'a̱si̱i̱ ngu' to' tyi yu, sca cña scaa msu bi'; cuati culo nu xu'na ni'i̱ bi' cña ji'i̱ nu qui'yu nu ndu̱ cua̱ ca to' lo'o cha' cua'ni tii ti' yu.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

SAN MATEO 21:33

’Nde chcui' na' chaca cui̱i̱ lo'o ma̱: Ngua sca ngu' culiya', li' ndyataa yu quiña'a̱ tsa yaca si'yu losu' tyixi. Ngusu'ba yu culiya' bi' sca lo'o hichu̱' yaca bi' li', xcui' yaca ye'e ndya' lo'o bi'. Lo'o jua'a̱ ngüiñá yu sca pilya cha' tyatá si'yu losu' ndacua, cha' tyu'u hitya tyixi nu ntsu'u ji'i̱ si'yu bi'. Li' ngüiñá yu sca ni'i̱ su tyu̱ ngu' cua̱ ji'i̱ cña bi'. ’Li' nda nu xu'na yuu bi' yuu ngüijña xi xa' la ñati̱, cha' cua'ni ngu' cña ne' lo'o ji'i̱ yu, cha' ntsu'u sca cña tsaa yu tyijyu'.

SAN MATEO 17:25

―Nda yu ―nacui̱ Pedro ji'i̱ ngu' li'. Nu lo'o cua ndyalaa Pedro toni'i̱, li' nchcui' Jesús lo'o yu: ―¿Ñi'ya̱ nti' nu'u̱, Simón? ―nacui̱ Jesús ji'i̱ Pedro―. ¿Ti ji'i̱ nclyo ngu' nu laca loo cñi? ¿Ha culo ngu' cñi ji'i̱ sñi' ngu' nti' nu'u̱? ¿Ha si'i ji'i̱ xa' ñati̱ culo ngu' cñi?

SAN MATEO 22:17

Tyu'u cha' clyu ti' jinu'u̱, cacha' nu'u̱ cha' liñi ji'i̱ ya: ¿Ha tso'o si ta na cñi cña loo na ji'i̱ rey tlyu nu ndi'i̱ xa' tsu' bi'?

SAN MATEO 21:27

Bi' cha' ndi'ya̱ nguxacui̱ ngu' bi' cha' ji'i̱ Jesús: ―Ná jlo ti' ya ―nacui̱ ngu' bi'. ―Tso'o lacua ―nacui̱ Jesús ji'i̱ ngu' bi'―. Ni na', ná cacha' na' ji'i̱ ma̱ tilaca laca nu nda chacuayá' 'na cha' cua'ni na' ñi'ya̱ nu ndu'ni na'.

SAN MATEO 21:29

“Ná tsa'a̱”, nacui̱ sñi' yu li'. Pana tsa cua tsa̱ ti xi ngua tyuju'u ti' sñi' cha' ná ndaquiya' ji'i̱ sti, lo'o li' ndu'u ndyaa cña bi'.