SAN MATEO 21:26 - Chatino Tataltepec

²⁶ Lo'o si ñacui̱ na: “Chacuayá' ji'i̱ ñati̱ ti ntyucuatya Juan bi'”, la cui' ti ná tso'o si ñacui̱ na jua'a̱, cha' ntsi̱i̱ na ji'i̱ lcaa ngu' quichi̱ re, cha' lcaa ngu' jlya ti' ngu' cha' chañi cha' ngua Juan bi' tu'ba ji'i̱ ycui' Ndyosi.

SAN MATEO 21:26 Referans Kwoze

SAN MARCOS 6:20

cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'.

SAN JUAN 5:35

Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.

SAN MATEO 21:46

Lye tsa ngua ti' ngu' bi' taya' ngu' ji'i̱ Jesús, cha' cujuii ngu' ji'i̱, ngua ti' ngu'; pana ná ngua ji'i̱ ngu' bi', cha' ndyutsi̱i̱ ngu' ji'i̱ nu ñati̱ quiña'a̱ bi', cha' quiña'a̱ tsa ngu' jlya ti' ngu' cha' laca Jesús sca ñati̱ nu laca tu'ba ji'i̱ ycui' Ndyosi.

SAN MATEO 14:5

Nu ngua li' ngua ti' Herodes cujuii ji'i̱ Juan bi', pana ndyutsi̱i̱ yu ji'i̱ ñati̱, cha' ngua ti' ngu' cha' cua nchcui' Juan cha' ji'i̱ ycui' Ndyosi lo'o ngu'.

SAN MATEO 11:9

Ná tyiquee' ngua tii ma̱ cha' laca Juan sca ñati̱ nu laca tu'ba ji'i̱ ycui' Ndyosi. Chañi cha' laca yu jua'a̱, pana tlyu la cña ngujui ji'i̱ Juan.

LOS HECHOS 5:26

Hora ti ndu'u nu laca loo ji'i̱ ngu' nu nga'a̱ cua̱ bi', ndyaa ndyiqui'ya ji'i̱ preso bi'. Lo'o nu ngu' policía nu nga'a̱ cua̱ ni, ndyaa ngu' lo'o. Ná ngulo policía juersa ji'i̱ ngu' lo'o ngusñi ngu' bi' ji'i̱ ngu', cha' ntsi̱i̱ policía ji'i̱ ngu' quichi̱, ñi'ya̱ si cu̱ ngu' quee ji'i̱ ycui' policía.

SAN JUAN 9:22

Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

SAN LUCAS 22:2

Lo'o nu ngu' sti jo'ó nu laca loo lo'o mstru cha' jo'ó bi' ni, nclyana ngu' ñi'ya̱ caca cha' cujuii ngu' ji'i̱ Jesús, masi ntsi̱i̱ ngu' ji'i̱ ñati̱ quichi̱.

SAN LUCAS 20:19

Lo'o li' lcaa sti jo'ó nu laca loo lo'o ngu' mstru cha' jo'ó, ngua ti' ngu' cha' xñi ngu' ji'i̱ Jesús cha' tyaa lo'o ngu' ji'i̱ preso la cui' hora bi'; cua ngua cuayá' ti' ngu' bi', cha' ji'i̱ ycui' ngu' nchcui' Jesús lo'o nchcui' yu cui̱i̱ bi'. Pana ntsi̱i̱ ngu' xi ji'i̱ ñati̱ quichi̱ bi'.

SAN LUCAS 20:6

Si ñacui̱ na cha' ñati̱ chalyuu nda chacuayá' ji'i̱ Juan bi' ni, li' cujuii nu quiña'a̱ tsa ñati̱ nu ndi'i̱ re ji'na lo'o quee, cha' tu'ba ji'i̱ ycui' Ndyosi cha' nchcui' Ni lo'o ñati̱ ngua jyo'o Juan bi', nti' ngu'.

SAN MARCOS 12:12

Lo'o li' ngua ñasi̱' nu ngu' tlyu bi' ji'i̱ Jesús, cha' ngua tii ngu' bi', cha' cua nchcui' Jesús cha' ji'i̱ ycui' ngu' bi' laja lo'o nda yu cui̱i̱ bi' lo'o ngu'. Xñi ngu' bi' ji'i̱ Jesús ngua ti' ngu'; pana ná ngua ji'i̱ ngu', cha' ntsi̱i̱ ngu' ji'i̱ nu ñati̱ quiña'a̱ bi'. Bi' cha' ndu'u nu ngu' tlyu bi', ndyaa ngu' li'.

SAN MARCOS 11:32

¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'. Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN MATEO 21:25

Tso'o lacua, nu lo'o tya ntyucuatya Juan ji'i̱ ngu', ¿ha chacuayá' ji'i̱ ycui' Ndyosi ngua bi'? ¿Ha chacuayá' ji'i̱ ñati̱ ti ngua bi'? Li' cuaana ti nchcui' ngu' nu laca loo bi' lo'o tya'a ngu': ―¿Ñi'ya̱ xacui̱ na cha' ji'i̱ yu? Si ñacui̱ na: “Chacuayá' ji'i̱ ycui' Ndyosi ntyucuatya Juan bi' ji'i̱ ngu'”, ná tso'o tyu'u cha' jua'a̱; hora ti ñacui̱ yu ji'na li': “¿Ni cha' ná ngusñi ma̱ cha' nu nchcui' yu lacua?”

SAN MATEO 21:27

Bi' cha' ndi'ya̱ nguxacui̱ ngu' bi' cha' ji'i̱ Jesús: ―Ná jlo ti' ya ―nacui̱ ngu' bi'. ―Tso'o lacua ―nacui̱ Jesús ji'i̱ ngu' bi'―. Ni na', ná cacha' na' ji'i̱ ma̱ tilaca laca nu nda chacuayá' 'na cha' cua'ni na' ñi'ya̱ nu ndu'ni na'.