SAN MATEO 21:25 - Chatino Tataltepec

²⁵ Tso'o lacua, nu lo'o tya ntyucuatya Juan ji'i̱ ngu', ¿ha chacuayá' ji'i̱ ycui' Ndyosi ngua bi'? ¿Ha chacuayá' ji'i̱ ñati̱ ti ngua bi'? Li' cuaana ti nchcui' ngu' nu laca loo bi' lo'o tya'a ngu': ―¿Ñi'ya̱ xacui̱ na cha' ji'i̱ yu? Si ñacui̱ na: “Chacuayá' ji'i̱ ycui' Ndyosi ntyucuatya Juan bi' ji'i̱ ngu'”, ná tso'o tyu'u cha' jua'a̱; hora ti ñacui̱ yu ji'na li': “¿Ni cha' ná ngusñi ma̱ cha' nu nchcui' yu lacua?”

SAN MATEO 21:25 Referans Kwoze

1 JUAN 3:20

Nu lo'o jlo ti' cresiya ji'na cha' ntsu'u qui'ya ji'na, li' taca ca cuayá' ti' na cha' lo'o ycui' Ni jlo ti' Ni cha' bi'. Lo'o jua'a̱ tlyu la laca ycui' Ni, taca ji'i̱ Ni cua'ni lyaá Ni ji'na ji'i̱ cha' cuxi bi'.

SAN JUAN 3:18

’Ná xcube' ycui' Ndyosi ji'i̱ cua ña'a̱ ca ñati̱ nu xñi cha' jna'. Cua ngua'ni cuayá' Ni ji'i̱ lcaa ñati̱ nu ná nxñi cha' jna', cha' xcube' Ni ji'i̱ ngu', cha' ná ntaja'a̱ ngu' jlya ti' ngu' jna' cha' laca̱ nu sca ti Sñi' ycui' Ndyosi ―nacui̱ Jesús―.

SAN JUAN 1:15

Nde laca cha' nu nchcui' Juan cha' ji'i̱ nu Jesús bi'. Cui̱i̱ nchcui' Juan li': ―Nu nde laca nu qui'yu nu ni na' ji'i̱ ma̱ cha' tyu'u tucua tiya' la nde chalyuu ―nacui̱ Juan―, masi tlyu la cha' ntsu'u ji'i̱ ycui' yu que na'. Jua'a̱ ni na' ji'i̱ ma̱, cha' nu lo'o bilya cala na' cua lu'ú ycui' yu.

SAN LUCAS 20:5

Lo'o li' nguxana ngu' nchcui' tube ngu' lo'o tya'a ngu': ―¿Ñi'ya̱ ñacui̱ na juani? ―nacui̱ ngu' ji'i̱ tya'a ngu'―. Si ñacui̱ na cha' ycui' Ndyosi nda chacuayá' ji'i̱ Juan bi', li' ndi'ya̱ xacui̱ yu jua cha' ji'na: “¿Ni cha' ná jlya ti' ma̱ cha' nu ngulu'u yu lacua?”

SAN JUAN 1:6

Nda ycui' Ni ji'i̱ Juan cha' chcui' lo'o ñati̱ cha' ji'i̱ xee nu cua ta ti Ni cha' tyu'ú ne' cresiya ji'i̱ ñati̱. Cua ya̱a̱ Juan cha' ta cha' bi' lo'o ñati̱, cha' xñi lcaa ñati̱ cha' ji'i̱ ycui' Ndyosi xqui'ya cha' nu nchcui' Juan lo'o ngu'.

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MATEO 21:24

―Lo'o na' xcuane na' sca cha' ji'i̱ ma̱ lacua, ñi'ya̱ xacui̱ ma̱ cha' 'na li' ―nacui̱ Jesús ji'i̱ ngu' bi' li'―. Si caja ñi'ya̱ xacui̱ ma̱ cha' re 'na, lo'o na' xacui̱ na' cha' ji'i̱ ma̱ li'; cacha' liñi na' ji'i̱ cu'ma̱ tilaca laca nu nda chacuayá' 'na, cha' cua'ni na' ñi'ya̱ nu ndyu'ni na' re li'.

SAN MATEO 21:26

Lo'o si ñacui̱ na: “Chacuayá' ji'i̱ ñati̱ ti ntyucuatya Juan bi'”, la cui' ti ná tso'o si ñacui̱ na jua'a̱, cha' ntsi̱i̱ na ji'i̱ lcaa ngu' quichi̱ re, cha' lcaa ngu' jlya ti' ngu' cha' chañi cha' ngua Juan bi' tu'ba ji'i̱ ycui' Ndyosi.

SAN LUCAS 14:4

Pana nga'aa nchcui' ngu' bi' tsiya' ti. Li' ntejeya' Jesús ji'i̱ nu quicha bi', ngua'ni cha' ndyaca tso'o yu. Lo'o li' nchcui' lo'o yu bi': ―Tyaa nu'u̱ to' tyi ―nacui̱ Jesús ji'i̱ yu.