SAN MATEO 21:22 - Chatino Tataltepec

²² Lcaa lo cha' nu jña ma̱ ji'i̱ ycui' Ndyosi ni, si chañi cha' jlya ti' ma̱ ji'i̱ ycui' Ni, caja cha' bi' ji'i̱ ma̱ li'.

SAN MATEO 21:22 Referans Kwoze

SAN MATEO 7:7

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

SAN MARCOS 11:24

Lo'o jua'a̱ lcaa lo cha' nu ndijña ma̱ ji'i̱ ycui' Ni laja lo'o nchcui' ma̱ lo'o Ni, chañi cha' ta ycui' Ni cha' bi' ji'i̱ ma̱, si chañi cha' jlya ti' ma̱ ji'i̱ Ni.

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.

SAN MATEO 18:19

’Chaca quiya' cacha̱' ji'i̱ ma̱ cha' chañi cha' cua'ni Sti na' nu ntucua nde cua̱ lcaa cha' nu ndijña ma̱ ji'i̱ Ni, masi tucua tya'a ti ma̱ ndu̱ ma̱, si stu'ba cha' nu ntsu'u tyiquee tyucuaa ma̱.

SANTIAGO 5:16

Bi' cha' lacua, ñii ma̱ ji'i̱ ngu' tya'a ma̱ si ntsu'u qui'ya ji'i̱ ma̱, cuati jña ma̱ cha' clyu ti' ji'i̱ ngu' tya'a ma̱ lo'o ycui' Ndyosi, cha' ca tso'o tyucui ña'a̱ ma̱ chaca quiya'. Quiña'a̱ tsa cña caca ji'i̱ sca ñati̱ nu lubii cresiya ji'i̱ cuentya ji'i̱ ycui' Ndyosi, nu lo'o jña yu sca cha' ji'i̱ Ni.

SAN JUAN 14:13

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni.

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

SAN MATEO 7:11

Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.