SAN MATEO 21:21 - Chatino Tataltepec

²¹ Li' nguxacui̱ Jesús cha' ji'i̱ ngu' bi': ―Cha' liñi nchcui' na' lo'o ma̱ juani ―nacui̱―. Si chañi cha' jlya ti' ma̱ ji'i̱ ycui' Ndyosi, si si'i cha' tucua ti cha' ntsu'u tyiquee ma̱ nchcui' ma̱ lo'o Ni, lo'o cu'ma̱ caca ji'i̱ ma̱ cua'ni ma̱ sca cha' tlyu jua'a̱. Si'i cha' quityi sca yaca ti chcui' ma̱ lo'o ycui' Ndyosi li', masi taca chcui' ma̱ lo'o ca'ya jua ndi'ya̱: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱ ji'i̱. Lo'o li' jua'a̱ caca ji'i̱, cha' tyu'utsu' ca'ya bi'.

SAN MATEO 21:21 Referans Kwoze

SANTIAGO 1:6

Tsa bi' ti cha', nu lo'o jña ma̱ sca cha' ji'i̱ ycui' Ndyosi, li' nga'a̱ cha' jlya ti' ma̱ cha' nchca ji'i̱ Ni cua'ni Ni jua'a̱; ná tso'o si tya'a̱chu̱' ma̱ ji'i̱ cha' bi', ñi'ya̱ si ñacui̱ ma̱ cha' ná nchca ji'i̱ Ni cua'ni Ni jua'a̱. Ñati̱ nu jua'a̱ ñacui̱ cha' ná nchca ji'i̱ ycui' Ni, laca ngu' bi' ñi'ya̱ laca sca clyoo' nu ndya'a̱ lo tyujo'o; ndyatu̱ clyoo' ndyaa macala su nducuni'i̱ cui'i̱ ji'i̱ cha' tsaa.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.

SAN MATEO 8:12

Lo'o jua'a̱ ntsu'u xa' la ñati̱ nu laca sñi' ycui' Ndyosi nacui̱ ngu', pana ná tyalaa ngu' bi' slo ycui' Ni. Culo Ni cña ji'i̱ xca̱ ji'i̱ Ni cha' tsaa xca̱ xcua̱a̱ ji'i̱ ngu' bi' ca su talya tsa ña'a̱; xi'ya tsa ngu' bi' ca bi', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' ngu'.

SAN MATEO 21:20

Ndube tsa ti' ngu' nu ndyaca tsa'a̱ ji'i̱ li': ―¿Na laca ngua ji'i̱ yaca quityi bi', cha' tsa tsiya' ca ngüityi yaca bi'? ―nacui̱ ngu' bi' ji'i̱ Jesús.

SAN MATEO 14:29

―Ca̱a̱ nu'u̱ ca nde ―nacui̱ Jesús ji'i̱ Pedro li'. Lo'o li' ngutu'u Pedro ne' yaca ni'i̱, ndya'a̱ yu lo hitya cha' tyalaa yu ca su ndu̱ ycui' Jesús.