SAN MATEO 21:19 - Chatino Tataltepec

¹⁹ Lo'o li' na'a̱ yu sca yaca quityi nu ndu̱ to' tyucui̱i̱. Ndyaa na'a̱ yu ji'i̱ yaca bi' si ntsu'u si'yu lo yaca bi' cha' cacu yu; pana ná ntsu'u si'yu lo, xcui' laca' ti ntsu'u lo. Li' nchcui' Jesús ji'i̱ yaca bi': ―Nga'aa tyu'u tsiya' ti si'yu lo yaca cua chaca yija̱ ―nacui̱. Hora ti ngüityi yaca bi'.

SAN MATEO 21:19 Referans Kwoze

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

SAN JUAN 15:6

Culaya' Sti na' ji'i̱ ñati̱ nu ná stu'ba nchca tyiquee ngu' lo'o na', ñi'ya̱ lo'o nchcua̱a̱ ngu' sta̱' yaca nu cua ndyanaa; nxuti'i̱ montón ngu' sta̱' yaca btyi bi', nsta ngu' ji'i̱ lo quii' cha' tye tyaqui̱ bi'.

SAN LUCAS 3:9

Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi. Si'yu yu bi' lcaa yaca nu ná nda si'yu tso'o, cha' tyaqui̱ yaca bi' lo quii'; jua'a̱ xcube' Ni ji'i̱ ñati̱ nu ná ntaja'a̱ xtyanu cha' cuxi nu ntsu'u ji'i̱.

SAN JUAN 15:2

Tso'o tsa ña'a̱si̱i̱ Sti na' ji'i̱ lcaa sta̱' yaca bi', lo'o na' laca̱ yaca bi'. Ca quiya' sta̱' yaca nsi'yu Ni ji'i̱, nu lo'o ná nda si'yu lo tsiya' ti. Nsubii Ni xi lo yaca nu nda si'yu tso'o, cha' tya quiña'a̱ la si'yu tyu'u lo bi';

SAN MARCOS 11:14

―Nga'aa cacu ngu' tsiya' ti si'yu nu tyu'u lo yaca cua ―nacui̱ Jesús li'. Lo'o nu ngu' nu ndyaca tsa'a̱ ji'i̱ Jesús ni, ndyuna ngu' cha' nu nchcui' yu ji'i̱ yaca bi'.

APOCALIPSIS 22:11

Nu lo'o bilya tye chalyuu tya cua'ni cuxi lcaa ñati̱ nu nti' cua'ni cha' cuxi, lo'o jua'a̱ nga'aa caja tyempo ji'i̱ ngu' cha' xtyanu ngu' ji'i̱ cha' cuxi bi' li'; lcaa nu ndu'ni suba' juani, nga'aa caja tyempo cha' xtyanu ngu' ji'i̱ cha' cuxi bi' li'. Lcaa ñati̱ nu tso'o ndu'ni juani, tya ntsu'u cha' cua'ni la ngu' cña tso'o ña'a̱ cuayá' nu tye chalyuu; lcaa ngu' nu lubii ndi'i̱ chalyuu, tya ntsu'u cha' cua'ni la ngu' cha' tso'o ―nacui̱ xca̱ bi'.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.

2 TIMOTEO 3:5

Na cuiñi ti lcaa ngu' bi' lo'o cua'ni tlyu ngu' ji'i̱ ycui' Ndyosi, cha' ná ndaquiya' ngu' bi' ji'i̱ cha' ji'i̱ Ni tsiya' ti. Xtyanu nu'u̱ ji'i̱ lcaa ngu' bi'.

SAN MATEO 21:20

Ndube tsa ti' ngu' nu ndyaca tsa'a̱ ji'i̱ li': ―¿Na laca ngua ji'i̱ yaca quityi bi', cha' tsa tsiya' ca ngüityi yaca bi'? ―nacui̱ ngu' bi' ji'i̱ Jesús.

SAN MARCOS 11:20

Nguxee chaca tsa̱, li' xa' nteje tacui ngu' cacua ti su ndu̱ yaca quityi bi'. Cua ngüityi tsiya' ti yaca bi', tyucui ña'a̱ lo'o quiche su̱u̱ ngüityi.