SAN MATEO 21:17 - Chatino Tataltepec

¹⁷ Ndu'u Jesús ndyaa li'; ndu'u yu quichi̱ tlyu, ndyaa nde sca quichi̱ piti nu naa Betania. Ca bi' ngujua' yu talya.

SAN MATEO 21:17 Referans Kwoze

SAN JUAN 11:18

Ná tyijyu' ndyi'ya tya'a quichi̱ Betania bi' lo'o quichi̱ Jerusalén, ntsu'u xi tucua ti kilómetro cla'be cuayá' tyijyu' ndi'i̱ quichi̱ bi'.

SAN JUAN 11:1

Ndi'i̱ sca nu qui'yu nu naa Lázaro. Quicha tsa bi'. Ngu' quichi̱ Betania laca, lo'o jua'a̱ María lo'o Marta laca tya'a ngula nu qui'yu bi'.

SAN LUCAS 24:50

Li' ndu'u Jesús quichi̱ Jerusalén bi', ndyaa lo'o yu ji'i̱ ngu' ca to' quichi̱ Betania bi'. Nde bi' ngusicua̱ ya' Jesús cha' culacua̱ yu ji'i̱ ngu'.

SAN MARCOS 11:11

Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o ji'i̱ quichi̱ bi'. Hora ti ndyaa na'a̱ Jesús ne' laa tonu cajua li'. Na'a̱ yu ji'i̱ lcaa lo na nu ntucua cajua, lo'o li' nguxtyu̱u̱ yu ñaa yu nde quichi̱ Betania chaca quiya' lo'o nu tii tyucuaa tya'a ngu' nu ndyaca tsa'a̱ ji'i̱, cha' ngusi̱i̱ tsa li'.

SAN MARCOS 11:19

Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.

SAN MATEO 16:4

Na xña'a̱ tsa tyiquee ma̱ ca ta'a ma̱ cha' xcui' nti' ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca nu ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la. Nga'aa nchcui' la Jesús lo'o ngu' bi' li', ndu'u yu ndyaa.

SAN LUCAS 19:29

Nu lo'o cua tyalaa ti ngu' to' quichi̱ Betfagé, jua'a̱ to' quichi̱ Betania nu nscua sii' ca'ya Olivos, li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱.

SAN LUCAS 10:38

Ngusñi Jesús tyucui̱i̱, ndyaa yu lo'o ngu' tya'a ndya'a̱ yu. Lo'o li' ndyalaa ngu' sca quichi̱ piti ti su ndi'i̱ sca nu cuna'a̱ nu naa Marta. Tso'o tsa ntsu'u tyiquee Marta cha' ndyalaa Jesús slo, cha' nti' tsa ma' cuna ma' lcaa ña'a̱ cha' nu nda yu.

SAN MARCOS 11:1

Ca tiya' la ndyalaa ngu' cacua ti to' quichi̱ Jerusalén su ndi'i̱ tucua tya'a quichi̱ sube ti nde sii' ca'ya Olivos. Betfagé lo'o Betania naa quichi̱ sube bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:

SAN MARCOS 3:7

Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN MATEO 26:6

Ngua sca tsa̱ nga'a̱ Jesús nde quichi̱ Betania, to' tyi Simón nu ngusñi quicha ndyatsu' cuaña' yu.

SAN MARCOS 14:3

Lo'o li' nga'a̱ Jesús to' tyi Simón nu ngusñi quicha ndyatsu' cuaña'. Ca quichi̱ Betania ntucua tyi nu Simón bi'. Lo'o nga'a̱ ngu' to' mesa ndyacu ngu', li' ndyalaa sca nu cuna'a̱ slo ngu' lo'o sca caatya̱ quee alabastro, nu ngutsa'á̱ lo'o setye tyixi xtyi'i nu laca setye nardo; quiña'a̱ tsa nga'a̱ setye bi'. Li' ngucha nu cuna'a̱ bi' tu'ba caatya̱, ngusalú setye lo xlya hique Jesús su ntucua yu.