SAN MATEO 21:15 - Chatino Tataltepec

¹⁵ Na'a̱ sti jo'ó nu laca loo cha' tlyu nu ngua'ni Jesús; lo'o nu mstru cha' jo'ó bi', na'a̱ ngu' ñi'ya̱ ngua cha' ndyaca tso'o ngu' quicha bi'. Lo'o jua'a̱ na'a̱ ngu' cha' ndi'i̱ tyu̱u̱ tya'a nu sube, cha' cui̱i̱ tsa nchcui' nu sube bi' ndyu'ni chi̱ ngu' loo Jesús: ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ nu sube bi'. Nu lo'o ndyuna ngu' tlyu bi' ñi'ya̱ nu nchcui' nu sube, ngua ñasi̱' tsa ngu' nu laca loo bi' li'.

SAN MATEO 21:15 Referans Kwoze

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN JUAN 12:19

Li' nchcui' ngu' fariseo lo'o tya'a ngu': ―Ña'a̱ ma̱ ji'i̱ yu bi'. ¿Ñi'ya̱ cua'ni na juani? Ná caca ji'na tsiya' ti tacu̱' na cha' ji'i̱ yu bi'. Tyucui ña'a̱ chalyuu ngusñi ngu' cha' ji'i̱ yu juani.

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

SAN JUAN 7:42

Lo quityi cusu' bi' nscua cha' sca ñati̱ tya'a ji'i̱ jyo'o David caca nu ñati̱ tlyu bi'; quichi̱ Belén cala yu bi', cha' quichi̱ tyi ngu' David laca bi'.

SAN JUAN 4:1

Lo'o li' ndyuna ngu' fariseo, nda ngu' cuentya cha' quiña'a̱ la ñati̱ ndya'a̱ lo'o Jesús cha' caca tsa'a̱ ngu' ji'i̱ yu, jua'a̱ ntyucuatya yu ji'i̱ ngu'; xti la ngu' ndi'i̱ nu ndyaca tsa'a̱ ji'i̱ Juan.

SAN LUCAS 22:66

Lo'o nguxee, li' ndyu'u ti'i̱ ngu' cusu' ji'i̱ ngu' judío, lo'o ngu' sti jo'ó nu laca loo, lo'o ngu' mstru cha' jo'ó; ndyaa lo'o ngu' ji'i̱ Jesús nde loo ña'a̱ taju ngu' tisiya bi'. Ca bi' nguxana ngu' ndacha' ngu' ji'i̱ yu:

SAN LUCAS 22:2

Lo'o nu ngu' sti jo'ó nu laca loo lo'o mstru cha' jo'ó bi' ni, nclyana ngu' ñi'ya̱ caca cha' cujuii ngu' ji'i̱ Jesús, masi ntsi̱i̱ ngu' ji'i̱ ñati̱ quichi̱.

SAN LUCAS 20:1

Ngua sca tsa̱ nga'a̱ Jesús ne' laa nclyu'u yu ji'i̱ ñati̱; nchcui' yu cha' ji'i̱ ycui' Ndyosi, ñi'ya̱ nu ndu'ni lyaá Ni ji'i̱ ngu'. Lo'o li' lijya̱ lcaa sti jo'ó nu laca loo, lo'o mstru cha' jo'ó, lo'o ngu' cusu' ji'i̱ quichi̱ bi', stu'ba ti lijya̱ ngu' slo Jesús.

SAN MARCOS 11:18

Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'.

SAN MATEO 27:20

Pana nu ngu' sti jo'ó nu laca loo lo'o ngu' cusu' bi', cua nchcui' tsa ngu' bi' lo'o nu quiña'a̱ tsa ñati̱ bi', cha' jña ngu' chacuayá' ji'i̱ Pilato cha' culaá yu ji'i̱ Barrabás nu ntsu'u ne' chcua̱ bi', cha' li' cujuii Pilato ji'i̱ Jesús.

SAN MATEO 27:1

Lo'o nguxee chaca tsa̱, xa' ndyu'u ti'i̱ lcaa sti jo'ó nu laca loo lo'o lcaa ngu' cusu' ji'i̱ ngu' judío, cha' cua'ni stu'ba ngu' cha' lo'o tya'a ngu', ñi'ya̱ taca cujuii ngu' bi' ji'i̱ Jesús.

SAN MATEO 26:59

Lo'o li' lcaa ngu' tisiya, lo'o lcaa sti jo'ó nu laca loo, lo'o lcaa ngu' cusu' bi', nclyana ngu' ñi'ya̱ ca sta ngu' qui'ya ji'i̱ Jesús, cha' nti' tsa ngu' cujuii ngu' ji'i̱. Pana ná ndu'u tucua ñati̱ nu cujuii cuañi' ji'i̱ yu cuentya ji'i̱ ngu' nu laca loo bi'.

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN MATEO 22:42

―¿Ñi'ya̱ nti' cu'ma̱ cuentya ji'i̱ Cristo nu ntsu'u cha' ca̱a̱? ―nacui̱ Jesús ji'i̱ ngu' bi'―. ¿Tilaca ngua jyo'o cusu' ji'i̱ nu Cristo bi' nti' ma̱? ―Ñati̱ tya'a ji'i̱ jyo'o rey David caca nu bi' ―nacui̱ ngu' ji'i̱.

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN MATEO 20:24

Lo'o ndyuna nu chaca tii tya'a ngu' nu ndyaca tsa'a̱ ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ Jacobo lo'o ji'i̱ tya'a yu li'.