SAN MATEO 21:10 - Chatino Tataltepec

¹⁰ Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o quichi̱ bi'. Ndube tsa ti' ngu' quichi̱ bi' li'. Cui̱i̱ tsa nchcui' ngu' lo'o tya'a ngu': ―¿Tilaca laca nu lijya̱ re? ―nacui̱ ngu'.

SAN MATEO 21:10 Referans Kwoze

LOS HECHOS 9:5

―¿Tilaca laca nu'u̱, Cusu'? ―nacui̱ Saulo. ―Jesús laca na' ―nacui̱ Ni―. Na nxu̱u̱ tya'a nu'u̱ lo'o na' laca ―nacui̱ Ni―. La cui' ca nu'u̱ ndu'ni cha' quicha ti' ycui' nu'u̱. Ñi'ya̱ nu ndu'ni sca toro, jua'a̱ ndu'ni nu'u̱; na ntyiji'i̱ quiya' toro la cui' se'i̱ su ndatu̱ ngu' yaca cha siyu' ni', lo'o jua'a̱ nu'u̱, ndu'ni ñu'u̱ ji'i̱ ycui' ca ti nu'u̱.

SAN LUCAS 9:9

Pana ndi'ya̱ nacui̱ Herodes: ―Ycui' na' ngulu̱ cña cha' teje cu' ngu' scua' que Juan. Lo'o nu Jesús bi' ni, nu quiña'a̱ tsa cha' ndañi nu nchcui' ngu' ji'i̱, ¿tilaca laca yu lacua? Lo'o li' lye tsa ngua ti' Herodes cha' ña'a̱ ji'i̱ ycui' Jesús.

SAN LUCAS 7:49

Lo'o nu ñati̱ nu ñaa stu'ba ti lo'o Jesús cha' cacu ngu' xlyaa slo Simón, nguxana ngu' bi' nchcui' ngu' lo'o tya'a ngu': ―¿Tilaca laca nu qui'yu re? ¿Macala ngujui chacuayá' ji'i̱ yu cha' cuityi̱ yu qui'ya nu ntsu'u ji'i̱ ngu'? ―nacui̱ ngu'.

SAN LUCAS 5:21

Li' ngulacua tsa ti' ngu' mstru cha' jo'ó lo'o ngu' fariseo: “¿Tilaca laca nu qui'yu re? ¿Ni cha' laca re? Cuxi tsa nchcui' yu cha' ji'i̱ ycui' Ndyosi lo'o nchcui' yu jua'a̱”, nclyacua ti' ngu'. “Ná taca ji'i̱ sca ñati̱ chalyuu ñi'ya̱ nti' yu re, ná taca cua'ni clyu ti' ji'i̱ qui'ya nu ntsu'u ji'i̱ ñati̱; sca ti ycui' Ndyosi taca ji'i̱ Ni cuityi̱ Ni qui'ya nu ntsu'u ji'i̱ ñati̱.” Jua'a̱ nclyacua ti' ngu'.

SAN JUAN 2:18

Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱: ―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?

SAN LUCAS 20:2

Nchcuane ngu' bi' ji'i̱ Jesús li': ―Cacha' clya ji'i̱ ya: ¿tilaca nda chacuayá' jinu'u̱ cha' cua'ni cña nu ndyu'ni nu'u̱? ―nacui̱ ngu'.

SAN MATEO 2:3

Lo'o nu rey Herodes ni, ndyutsi̱i̱ tsa yu lo'o ndyuna yu cha' nu nchcui' ngu' tii bi', cha' cua'ni tlyu ngu' ji'i̱ chaca rey. Lo'o jua'a̱ lcaa ngu' quichi̱ Jerusalén ndyutsi̱i̱ tsa ngu' ñi'ya̱ cua'ni rey Herodes.

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.