SAN MATEO 20:27 - Chatino Tataltepec

²⁷ Lo'o jua'a̱, si nti' ma̱ cha' ndulo la cha' ji'i̱ ma̱ cuentya ji'i̱ ngu' tya'a ma̱, ntsu'u cha' cua'ni ma̱ ñi'ya̱ si laca ma̱ msu ji'i̱ tya'a ma̱, masi ná lo'o caya'.

SAN MATEO 20:27 Referans Kwoze

SAN LUCAS 22:26

Pana cu'ma̱ ni, ná ntsu'u cha' cua'ni ma̱ jua'a̱ lo'o tya'a ma̱. Ndi'ya̱ cua'ni ma̱ tso'o la: nu lo'o nti' ma̱ cha' ndulo la cha' ji'i̱ ma̱ que cha' ji'i̱ tya'a ma̱ ni, li' nga'a̱ cha' cua'ni ma̱ ñi'ya̱ si laca ma̱ nu cuañi' la ji'i̱ tya'a ma̱ ―nacui̱ Jesús ji'i̱ ngu' bi'―. Jua'a̱ cu'ma̱ nu nti' ma̱ culo ma̱ cña ji'i̱ tya'a ma̱ ni, nga'a̱ cha' cua'ni ma̱ cña cuentya ji'i̱ lcaa tya'a ma̱.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

SAN MATEO 18:4

Sca ñati̱ nu laca ñi'ya̱ laca nu piti re, sca ñati̱ nu ná tyixi tyiquee, nu ná nti' tyiji̱loo ji'i̱ tya'a cha' caca ycui' sca ñati̱ tlyu, bi' laca nu ndulo la cha' ji'i̱ ca su laca ycui' Ndyosi loo.

ROMANOS 1:14

Cua ngulo Ni cña 'na cha' tsa'a̱ chcui̱' lo'o ngu' xa' tsu', masi ndi'i̱ ngu' bi' quichi̱ tonu, masi ndi'i̱ ngu' tyijyu' la ca ne' quixi̱'; ngulo Ni cña jna' cha' sca ti cha' chcui' na' lo'o ngu', masi lo'o ngu' nu nchca tsa ji'i̱, masi lo'o ngu' nu ná ndyi'ya cuentya tsiya' ti.

2 CORINTIOS 12:15

Lo'o jua'a̱ na', tso'o tsa nti' na' masi culiji na' lcaa na nu ntsu'u xi 'na, masi tye juersa ji'i̱ ycui' na' tsiya' ti, cha' caja ñi'ya̱ xtyucua na' xi ji'i̱ cu'ma̱. Bi' cha' ná tso'o laca si xti ti ntsu'u tyiquee ma̱ ña'a̱ ma̱ 'na, masi tso'o la ntsu'u tyiquee na' ña'a̱a̱ ji'i̱ cu'ma̱.

2 CORINTIOS 11:5

Ni si'i na cuxi la laca cha' nu nchcui' na', si'i na tso'o la cha' nu nchcui' nu xa' ñati̱ bi'; nti' ma̱ jua'a̱, masi cua nguñilo'o ngu' ji'i̱ ma̱ lo'o nchcui' ngu' cha' laca ngu' cña ji'i̱ Cristo.

SAN MATEO 20:26

pana nu cu'ma̱ ni, ná cua'ni ma̱ jua'a̱. Lcaa lo cña nu taca xtyucua ma̱ ji'i̱ tya'a ñati̱ ma̱, bi' cña ntsu'u cha' cua'ni ma̱, si cua nti' ma̱ cha' caca ma̱ loo ji'i̱ ngu'.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.