SAN MATEO 20:25 - Chatino Tataltepec

²⁵ Lo'o li' ngusi'ya Jesús ji'i̱ lcaa ngu' bi', cha' tyu'u ti'i̱ ngu' slo. ―Jlo ti' ma̱ cha' nu laca loo ji'i̱ ngu' xa' tsu' ni, tyaala tsa ngu' bi' ―nacui̱ Jesús ji'i̱ ngu' nu ndyaca tsa'a̱ ji'i̱―. Lye tsa nclo ngu' nu laca loo bi' cña ji'i̱ ngu' ca quichi̱ tyi ngu';

SAN MATEO 20:25 Referans Kwoze

SAN MARCOS 10:42

Pana nchcui' Jesús lo'o ca ta'a ngu' sca tyempo ti: ―Jlo ti' ma̱ cha' nu ngu' nu laca loo ji'i̱ ngu' xa' tsu' ni, tyaala tsa ngu' bi' ―nacui̱ Jesús―. Lye tsa nclyo ngu' bi' cña ji'i̱ ngu' ca quichi̱ tyi ngu'.

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN MATEO 20:24

Lo'o ndyuna nu chaca tii tya'a ngu' nu ndyaca tsa'a̱ ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ Jacobo lo'o ji'i̱ tya'a yu li'.

1 PEDRO 5:3

Ná laca ma̱ xu'na ngu' tya'a ma̱, bi' cha' tso'o ti cua'ni ma̱ slo ngu', cha' taca ca cuayá' ti' xa' la ngu' tya'a ma̱ ñi'ya̱ nu ntsu'u cha' cua'ni ngu'.