SAN MATEO 20:24 - Chatino Tataltepec

²⁴ Lo'o ndyuna nu chaca tii tya'a ngu' nu ndyaca tsa'a̱ ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ Jacobo lo'o ji'i̱ tya'a yu li'.

SAN MATEO 20:24 Referans Kwoze

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

SANTIAGO 3:14

Ná taca ña'a̱ ngu' cha' ñati̱ tso'o laca ma̱ si liye' ti' ma̱, si chiya'a̱ tsa ntsu'u tyiquee ma̱ ña'a̱ ma̱ ji'i̱ ñati̱, si xcui' cña ji'i̱ ycui' ca ma̱ ntsu'u tyiquee ma̱; na nñilo'o ma̱ ji'i̱ tya'a ma̱ si jua'a̱ ndu'ni ma̱, hasta ndacu̱' ma̱ cha' liñi nu cua nda ycui' Ndyosi lijya̱ chalyuu.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 CORINTIOS 13:4

Si chañi cha' ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu' li', cua'ni tya'na ti' na ji'i̱ ngu' li'; si'i na tyiji̱ ti' na cha' ji'i̱ ngu' li', si'i na chcui' tyucuaa ti' na lo'o ngu', ni si'i na cua'ni tyixi na lo'o ngu' li'.

SAN MARCOS 10:41

Nu xa' la tii tya'a ngu' nu ndya'a̱ lo'o Jesús ni, lo'o ngua tii ngu' ñi'ya̱ cha' laca nu ngüijña Jacobo lo'o Juan ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ ngu' bi' li'.

SAN MATEO 20:23

―Chañi cha' lo'o cu'ma̱ co'o ma̱ taná clyaa' nu ntsu'u cha' co'o na' bi', lo'o jua'a̱ chcube' ma̱ ñi'ya̱ nu chcube' na' ―nacui̱ Jesús ji'i̱ ngu'―. Pana ná ntsu'u chacuayá' ta na' sca se'i̱ nde sii' na' cha' chca'a̱ ma̱ lo'o na' nde loo la, cha' cua laca ngusubi ycui' Ndyosi Sti na' ji'i̱ ñati̱ nu chca'a̱ nde sii' na' tyempo bi'.

SAN MATEO 20:25

Lo'o li' ngusi'ya Jesús ji'i̱ lcaa ngu' bi', cha' tyu'u ti'i̱ ngu' slo. ―Jlo ti' ma̱ cha' nu laca loo ji'i̱ ngu' xa' tsu' ni, tyaala tsa ngu' bi' ―nacui̱ Jesús ji'i̱ ngu' nu ndyaca tsa'a̱ ji'i̱―. Lye tsa nclo ngu' nu laca loo bi' cña ji'i̱ ngu' ca quichi̱ tyi ngu';

SAN MARCOS 10:14

Lo'o na'a̱ Jesús ñi'ya̱ nu ndyu'ni ngu' nu ndyaca tsa'a̱ ji'i̱, ná ndiya ti' yu cha' ndyu'ni ngu' jua'a̱: ―Ta ma̱ chacuayá' ji'i̱ nu sube cha' ca̱a̱ ngu' ca slo na' ―nacui̱ Jesús ji'i̱ ngu' bi'―. Ná cua'a ma̱ chacuayá' ji'i̱ nu sube bi', cha' ca̱a̱ ngu' slo na'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi, nu lo'o laca Ni loo ne' cresiya ji'i̱ ngu'.

SAN LUCAS 13:14

Pana nu qui'yu nu laca loo ne' laa bi' ni, ngunasi̱' tsa yu bi', cha' ngua'ni Jesús jo'o ji'i̱ ngu' tsa̱ ta'a. ―Scuá tsa̱ tso'o cha' cua'ni na cña ―nacui̱ nu laca loo bi'―, bi' tsa̱ tso'o cha' tya̱a̱ ma̱ cha' caca jo'o ji'i̱ ma̱; nga'aa ca̱a̱ ma̱ tsa̱ ta'a li' ―nacui̱.