SAN MATEO 20:21 - Chatino Tataltepec

²¹ Li' nchcuane Jesús ji'i̱ nu cuna'a̱ bi': ―¿Na laca nti' nu'u̱? ―nacui̱ Jesús ji'i̱. ―Cua'ni nu'u̱ cha' tso'o ta nu'u̱ chacuayá' cha' stu'ba ti chca'a̱ sñi' na' lo'o nu'u̱ ca su caca nu'u̱ loo nde loo la ―nacui̱ nu cuna'a̱ bi'―. Culo nu'u̱ cña cha' chca'a̱ tsaca yu la'a tsu' cui̱ jinu'u̱, chaca yu bi' chca'a̱ yu la'a tsu' coca jinu'u̱ ―nacui̱.

SAN MATEO 20:21 Referans Kwoze

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN MATEO 18:1

La cui' tyempo bi' ndyalaa lcaa ngu' nu ndyaca tsa'a̱ ji'i̱ slo Jesús cha' chcui' ngu' lo'o: ―¿Tilaca laca nu ndulo la cha' ji'i̱ ca su laca ycui' Ndyosi loo? ―nacui̱ ngu' ji'i̱ Jesús.

LOS HECHOS 1:6

Li' lcaa tya'a ngu' cua ndyu'u ti'i̱ ngu' se'i̱ ti, nchcuane ngu' bi' ji'i̱ Jesús li': ―Xu'na ―nacui̱ ngu'―, ¿ha si'i juani nu cua'ni nu'u̱ cha' tyanu cha' ji'i̱ cua, cha' caca ya loo ji'i̱ loyuu su cuentya quichi̱ tyi ya chaca quiya', cha' la cui' ngu' Israel laca ya?

SAN MARCOS 6:22

Li' ndyalaa sca nu cuna'a̱ cuañi' sñi' Herodías, ndyula quiya' nu cuna'a̱ bi' slo ngu'. Chaa tsa ti' rey Herodes li', lo'o jua'a̱ ndiya ti' ngu' nu ndyacu slo lo'o na'a̱ ngu' ji'i̱ nu cuna'a̱ cuañi' ndyula quiya'. Nchcui' rey lo'o nu cuna'a̱ cuañi' bi' li': ―Cacha' clya nu'u̱ jna' juani ti na ca cha' tso'o nu nti' nu'u̱ ―nacui̱ rey ji'i̱―. Ta na' cha' tso'o bi' jinu'u̱ ―nacui̱―.

SAN MATEO 20:32

Li' ndyatu̱ Jesús, ngusi'ya ji'i̱ ngu' cuityi̱' bi', cha' ca̱a̱ ngu' slo. ―¿Na laca nti' ma̱ cha' cua'ni na' lo'o ma̱? ―nacui̱ Jesús ji'i̱ ngu' bi' li'.

COLOSENSES 3:1

Pana cu'ma̱ ni, cua ngujui chaca chalyuu cucui ji'i̱ ma̱ xqui'ya cha' cua ngua stu'ba cha' ji'i̱ ma̱ lo'o Cristo; bi' cha' lacua, xcui' na tyu'u tyiquee ma̱ ji'i̱ cua ña'a̱ ca cha' tso'o nu ndyu'u ji'i̱ Cristo lijya̱, cha' ntucua Cristo nde la'a tsu' cui̱ su tlyu su ntucua ycui' Ndyosi.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

SAN LUCAS 22:24

Lo'o ti nguxana ngu' nchcui' tyucuaa ti' ngu' lo'o tya'a ndyaca tsa'a̱ ti ngu', nchcui' ngu' cha' ji'i̱ tilaca nu caca loo la ji'i̱ tya'a ngu'.

SAN LUCAS 19:11

Laja lo'o nga'a̱ ti ngu' ndyuna ngu' cha' nu nchcui' Jesús lo'o ngu', li' nda yu sca cui̱i̱ lo'o ngu'. Na cua ngulala ti tyalaa ngu' lo'o Jesús to' quichi̱ Jerusalén, lo'o ngua tii ngu' cha' ycui' Jesús laca nu Cristo, nu ñati̱ tlyu nu cua ca̱a̱ ti chalyuu; ngua ti' ngu' cha' la cui' hora nu caca Ni loo ji'i̱ ngu' laca li'.

SAN LUCAS 18:41

―¿Na laca nu nti' nu'u̱ cha' cua'ni na' lo'o nu'u̱? ―nacui̱ Jesús ji'i̱. ―Cusu' ―nacui̱ yu―, nti' na' cha' cua'ni nu'u̱ jo'o ji'i̱ si'yu cloo na' ―nacui̱ nu cuityi̱' bi'.

SAN MARCOS 10:51

Li' nchcui' Jesús lo'o nu quicha bi': ―¿Na laca nti' nu'u̱ cha' cua'ni na' lo'o nu'u̱? ―nacui̱ yu ji'i̱. ―Mstru ―nacui̱ nu cuityi̱'―, cua'ni nu'u̱ jo'o 'na, cha' xa' tyaca̱' tso'o xee cloo na' ña'a̱ na' chaca quiya' ―nacui̱ ji'i̱ Jesús.

ROMANOS 8:34

Ná ntsu'u nu caca xcube' ji'na li', cha' xqui'ya na cua ngujuii Jesús, xqui'ya na cua ndyu'ú yu chaca quiya'. Lo'o juani ntucua Cristo la'a tsu' cui̱ ca su ntucua ycui' Ndyosi, ndijña yu cha' clyu ti' ji'i̱ ycui' Ndyosi Sti yu cuentya ji'na.

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

SAN MATEO 20:22

Li' nchcui' Jesús lo'o tyucuaa nu qui'yu bi': ―Ná nchca cuayá' ti' ma̱ ñi'ya̱ laca cha' nu ndijña ma̱ 'na juani ―nacui̱ Jesús ji'i̱ ngu'―. ¿Ha taca ji'i̱ ma̱ chcube' ma̱ ñi'ya̱ nu chcube' na', ñi'ya̱ ca si ta ngu' sca taná nu clyaa' tsa cha' co'o na? ¿Ha talo ma̱ si xcube' ngu' ji'i̱ ma̱ ñi'ya̱ nu nga'a̱ cha' xcube' ngu' jna', nu lo'o cujuii ngu' 'na? ―Taca ji'i̱ cua ―nacui̱ ngu' bi' li'.