SAN MATEO 20:14 - Chatino Tataltepec

¹⁴ Xñi ma̱ xcaya' ma̱, tyaa ma̱ li'. Ná ntsu'u cha' ca ñasi̱' cu'ma̱ 'na. Si nti' na' cua'ni na' cha' stu'ba xcaya' cu'ma̱ lo'o nu xa' la msu nu xti ti hora ngua'ni cña, tso'o tsa lacua.

SAN MATEO 20:14 Referans Kwoze

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN LUCAS 15:31

Li' nacui̱ nu cusu' sti yu ji'i̱ yu: “Chañi cha' lcaa tsa̱ ndi'i̱ nu'u̱ lo'o na'. Lo'o jua'a̱ lcaa cha' tso'o nu ntsu'u jna', na jinu'u̱ laca lcaa cha' bi'.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

ROMANOS 3:4

Ná nti' Ni cua'ni Ni jua'a̱. Xcui' cha' liñi ndu'ni ycui' Ndyosi lo'o ñati̱ ji'i̱ Ni, masi cha' cuiñi laca nu ndu'ni lcua ti lo ñati̱ chalyuu. Cua nscua sca cha' ji'i̱ ycui' Ndyosi lo quityi nu nchcui' ndi'ya̱: Lo'o chcui' nu'u̱, li' caca cuayá' ti' ngu' cha' liñi tsa ndu'ni nu'u̱; lo'o caca cuayá' jinu'u̱ slo ñati̱, taca cua'ni lyaá nu'u̱ ji'i̱ ycui' ca li'.

SAN MATEO 6:16

’Lo'o chaca cha' ni: nu lo'o tyalaa tsa̱ ji'i̱ ma̱ lo'o ná cacu ma̱ xqui'ya cha' cua'ni tlyu ma̱ ji'i̱ ycui' Ni, ná tso'o si tyu'u cha' xñi'i̱ ti' tyiquee ma̱, ñi'ya̱ nu ndu'ni ngu' nu tucua cha' ntsu'u tyiquee ngu'. Nti' ngu' bi' cha' ña'a̱ ñati̱ ji'i̱ cha' tacati tsa nu ndu'ni ycui' ca ngu', cha' ná ndyacu ngu' tsa̱ bi'. Cha' liñi nchcui' na' lo'o ma̱, cha' cua laca ngujui cha' ji'i̱ ngu'; lcaa cha' tso'o nu tyacua ji'i̱ ngu' ca slo ycui' Ndyosi nquicha', cua ngujui cha' bi' ji'i̱ ngu' nu lo'o cua na'a̱ xa' ñati̱ chalyuu ti ji'i̱ ngu'.

SAN MATEO 6:6

Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

SAN MATEO 6:2

Lo'o xtyucua ma̱ ji'i̱ ngu' ti'i ni, ná ntsu'u cha' cacha' ma̱ cha' bi' ji'i̱ xa' ñati̱. Ná cua'ni ma̱ ñi'ya̱ nu ndu'ni ngu' nu tucua cha' ntsu'u tyiquee ngu', nu nti' tsa cha' ña'a̱ xa' ñati̱ ji'i̱; nu lo'o nxtyucua ngu' bi' ji'i̱ ngu' ti'i, masi ne' laa ji'i̱ ngu' judío tya'a na, masi to' calle ti, sca ti nti' ngu' bi' cha' tso'o tsa chcui' ñati̱ ji'i̱. Ná cua'ni ma̱ jua'a̱. Cha' liñi nchcui' na' lo'o ma̱: lcaa cha' tso'o nu tyacua ji'i̱ ngu' bi' ca slo ycui' Ndyosi nquicha', cua laca ngujui cha' bi' ji'i̱ ngu' bi' nu lo'o cua na'a̱ xa' ñati̱ ti ji'i̱ ngu'.

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

SAN MATEO 20:13

Li' nguxacui̱ xu'na cña bi' cha' ji'i̱ msu ñasi̱' bi': “Si'i cha' cuxi nu ndyu'ni na' lo'o ma̱. ¿Ha si'i na cua ngüiñi cha' jna' lo'o ma̱ ni tsa lo xcaya' nu ta na' ji'i̱ ma̱? Lo'o jua'a̱, tsa lo cua cñi xcaya' cu'ma̱ nda na' ji'i̱ ma̱ juani.

SAN MATEO 20:15

Ntsu'u chacuayá' jna' cua'ni na' ñi'ya̱ nu nti' ti na' cua'ni na' lo'o cñi 'na. ¿Ha si'i jua'a̱? ¿Ni cha' laca liye' ti' ma̱ ña'a̱ ma̱ 'na, cha' tso'o ti xcaya' nda na' ji'i̱ lcaa msu 'na?”, nacui̱ xu'na msu bi'.