SAN MATEO 20:11 - Chatino Tataltepec

¹¹ Ñasi̱' xi msu nu nguxana cña tya tlya li'.

SAN MATEO 20:11 Referans Kwoze

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.

LOS HECHOS 13:45

Ñasi̱' tsa nu ngu' judío bi' lo'o na'a̱ ngu' ji'i̱ nu quiña'a̱ tsa ñati̱ bi'. Nchcui' suba' ngu' judío lo'o Pablo li', nacui̱ ngu' cha' cuiñi tsa cha' nu nclu'u yu bi'.

SAN LUCAS 15:2

Bi' cha' nguxana ngu' fariseo, lo'o jua'a̱ ngu' mstru cha' jo'ó, ngusta ngu' qui'ya ji'i̱ Jesús: ―Ndiya ti' yu re cua'ni tya'a yu lo'o ngu' cuxi jua. Stu'ba ti ndacu yu tyaja lo'o ngu' cuxi ―nacui̱ ngu' bi'.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.

SAN MATEO 20:10

Ca tiya' la, li' ndyalaa ngu' nu nguxana cña tya tlya la slo yu. Ngulacua ti' msu bi' cha' quiña'a̱ la cñi caja xcaya' ngu' li', pana stu'ba ti ngujui xcaya' lcaa msu ji'i̱.

SAN MATEO 20:12

“Tyucui tsa̱ ngua'ni ya cña jinu'u̱”, nacui̱ msu bi' ji'i̱ xu'na. “Masi tyique' tsa cua̱ nde hora, ña'a̱ ti tya ngua'ni ya cña jinu'u̱. Lo'o juani, stu'ba ngujui xcaya' lcaa tya'a ntsu'u ya cña, masi sca hora ti ngua'ni ngu' jua cña jinu'u̱”, nacui̱ msu nu nguxana cña nde tlya bi'.

SAN MARCOS 14:5

¿Ni cha' ná ndyujui' ji'i̱ cha' caja xi cñi cha' ta ji'i̱ ngu' ti'i? Sna siyento cñi plata nga'a̱ tsa lo cua setye tyixi xtyi'i bi' ―nacui̱ ngu' ji'i̱ tya'a ngu'. Lye tsa nchcui' ngu' lo'o nu cuna'a̱ bi' li'.

SAN JUAN 6:41

Lo'o li' ná ndiya ti' ngu' judío cha' nchcui' Jesús lo'o ngu' ndi'ya̱: “Ñi'ya̱ nu ndu'ni tyaja, jua'a̱ cua'ni na' si xñi sca ñati̱ cha' jna'. Sca ti na' nu ngutu'u̱ ca su ntucua ycui' Ndyosi, sca ti na' taca cua'ni na' cha' tyaala' ti' ñati̱”, nacui̱ Jesús. Nda tsa ngu' cha' lo'o tya'a ngu' cha' ná tso'o cha' bi'.

SAN JUAN 6:61

Jlo ti' Jesús cha' nchcui' tsa nu ngu' nu ndyaca tsa'a̱ bi' lo'o tya'a ngu' cuentya ji'i̱ cha' nu cua nda ca ti yu lo'o ngu', bi' cha' nchcui' yu lo'o ngu' chaca quiya': ―¿Ha ngua tyuju'u ti' ma̱ 'na xqui'ya cha' nu nchcui' na' lo'o ma̱? ―nacui̱ yu―.