SAN MATEO 2:22 - Chatino Tataltepec22 Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'. Gade chapit la |
Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.
La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱: