SAN MATEO 2:2 - Chatino Tataltepec

² ―¿Macala ndi'i̱ cubi' nu ngula tsubi' ti bi'? ―nacui̱ ngu'―. Rey ji'i̱ cu'ma̱ ngu' judío laca cubi' bi' ―nacui̱ ngu'―. Cua na'a̱ ya cuii cucui nu ndacui cua̱ cuentya ji'i̱ cubi' bi', bi' cha' ndyalaa ya ca nde cha' cua'ni tlyu ya ji'i̱ cubi' bi' juani.

SAN MATEO 2:2 Referans Kwoze

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

HEBREOS 1:6

Tya clyo lo'o cua ta ti ycui' Ndyosi ji'i̱ Sñi' ycui' ca Ni cha' ca̱a̱ yu chalyuu, li' nacui̱ Ni: Lcaa xca̱ nu ntsu'u cuentya jna' nde cua̱, nga'a̱ cha' cua'ni tlyu ngu' xca̱ bi' ji'i̱ Sñi' na'.

SAN LUCAS 23:38

Cua nscua letra nde que la su nga'a̱ Jesús lo crusi bi'; ndi'ya̱ nchcui' letra bi': “Nu nde laca rey ji'i̱ ngu' judío”. Sna lo cha'cña ji'i̱ ngu' nscua cha' bi': cha'cña ji'i̱ ngu' griego nscua, lo'o cha'cña ji'i̱ ngu' latín nscua, lo'o cha'cña ji'i̱ ngu' judío nscua.

SAN LUCAS 23:3

Li' nchcuane Pilato ji'i̱ Jesús: ―¿Ha rey ji'i̱ ngu' judío laca nu'u̱? ―nacui̱. Li' nguxacui̱ Jesús cha' ji'i̱ Pilato bi': ―La cui' cha' nu cua nchcui' nu'u̱, la cui' bi' laca na' ―nacui̱.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN LUCAS 19:38

―Tso'o tsa ndyu'ni ycui' Ndyosi xqui'ya yu nu lijya̱ re chacuayá' ji'i̱ ycui' Ni nu Xu'na na, cha' caca nu nde loo ji'na ―nacui̱ ngu'―. Ti̱ ti tyi'i̱ lcaa na nu ntsu'u nde cua̱, nu cuentya ji'i̱ ycui' Ni laca. Masi juani ti cua'ni tlyu na ji'i̱ ycui' Ndyosi.

SAN LUCAS 2:11

Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.

SAN JUAN 9:38

Hora ti ndyatu̱ sti̱' nu qui'yu bi' slo Jesús. ―Jlya ti' na' jinu'u̱, Xu'na ―nacui̱.

SAN JUAN 19:19

Li' ngulo Pilato cña cha' ndi'ya̱ scua sca cha' hique crusi bi': “Nu nde laca Jesús Nazaret, rey ji'i̱ ngu' judío”. Jua'a̱ cha' nguscua bi'.

SAN JUAN 12:13

Ndyaa lo'o ngu' ste' nga̱, lo'o jua'a̱ cui̱i̱ ngusi'ya ngu' li': ―Cua'ni tlyu na ji'i̱ ycui' Ndyosi Sti na ―nacui̱ ngu' ji'i̱ Jesús―. Culacua̱ Ni jinu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, culacua̱ Ni jinu'u̱ cha' nu'u̱ laca Rey nu laca loo ji'i̱ ngu' Israel.

SAN MATEO 27:11

Lo'o li' ndyalaa Jesús slo nu laca gobernador bi', nchcuane yu nu laca loo bi' ji'i̱ Jesús li': ―¿Ha la cui' nu'u̱ laca rey ji'i̱ ngu' judío? ―nacui̱ yu nu laca loo bi' ji'i̱ Jesús. ―La cui' laca na' ―nacui̱ Jesús ji'i̱ li'―, la cui' ñi'ya̱ nu nacui̱ nu'u̱ laca na'.

SAN JUAN 20:28

―Xu'na na' laca nu'u̱, cusu' ―nacui̱ Tomás ji'i̱ Jesús―, lo'o jua'a̱ Ndyosi jna' laca nu'u̱.

SAN MATEO 21:5

Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”

SAN MATEO 2:3

Lo'o nu rey Herodes ni, ndyutsi̱i̱ tsa yu lo'o ndyuna yu cha' nu nchcui' ngu' tii bi', cha' cua'ni tlyu ngu' ji'i̱ chaca rey. Lo'o jua'a̱ lcaa ngu' quichi̱ Jerusalén ndyutsi̱i̱ tsa ngu' ñi'ya̱ cua'ni rey Herodes.