SAN MATEO 2:13 - Chatino Tataltepec

¹³ Nu lo'o cua ndu'u ngu' tii ndyaa ngu' quichi̱ tyi ngu', li' nchcui' xcalá José. Ndyu'u tucua sca xca̱ ji'i̱ ycui' Ndyosi slo yu laja xcalá, nchcui' lo'o yu li': ―Que ti' nu'u̱ ―nacui̱ xca̱ ji'i̱ José―. Tyatu̱ nu'u̱, xna clya nu'u̱ ―nacui̱―, tsaa lo'o nu'u̱ ji'i̱ xtya'a̱ cubi' tyijyu' nde loyuu su cuentya Egipto. Tyi'i̱ ma̱ cajua ña'a̱ cuayá' nu cacha̱' hi̱ cha' tso'o tya̱a̱ ma̱ nde nasiyu̱ re chaca quiya'. Tyaala tsa rey Herodes bi'; cua ca̱a̱ ti yu quichi̱ re cha' clyana ji'i̱ cubi', cha' cujuii ji'i̱ cubi' nti' yu.

SAN MATEO 2:13 Referans Kwoze

LOS HECHOS 12:11

Li' nda Pedro cuentya: ―Juani nchca cuayá' ti' na' cha' cua ngulo ycui' nu Xu'na na' cña ji'i̱ xca̱ bi' ji'i̱ Ni, cha' nu ñaa ngulo jna' ni'i̱ chcua̱ jua ―nacui̱ yu―. Ngua ti' Herodes xcube' jna', cha' xña'a̱ tsa ntsu'u tyiquee ngu' judío tya'a na' ña'a̱ ngu' jna'; pana ná ngua ji'i̱ cua'ni cña cuxi bi'.

LOS HECHOS 10:7

Ndu'u xca̱ ji'i̱ ycui' Ndyosi bi', ndyaa li'. Lo'o li' ngusi'ya Cornelio ji'i̱ tucua tya'a msu ji'i̱, lo'o ji'i̱ sca sendaru nu ndu'ni cña ji'i̱; lo'o sendaru bi' ndyu'ni tlyu yu ji'i̱ ycui' Ndyosi.

LOS HECHOS 5:19

Nu lo'o ngua talya, li' ndyalaa sca xca̱ ji'i̱ ycui' Ndyosi, ngusaala toni'i̱ su ntsu'u ngu' ne' chcua̱ cha' tyu'u ngu' nde liya'. Lo'o cua ngutu'u ngu' nde liya', li' nchcui' xca̱ bi' lo'o ngu':

SAN MATEO 2:12

Nu lo'o ndyaa ngu' caja' ngu', li' nchcui' xcalá ngu'; nchcui' ycui' Ndyosi lo'o ngu' laja xcalá cha' nga'aa tsaa ngu' slo rey Herodes bi', cha' cuiñi tsa yu. Bi' cha' ngusñi ngu' xa' tyucui̱i̱ cha' xtyu̱u̱ ngu' tyaa ngu' quichi̱ tyi ngu' chaca quiya'.

SAN MATEO 1:20

Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.

SAN MATEO 2:16

Lo'o nu rey Herodes bi' ni, ñasi̱' tsa yu lo'o ngua tii yu cha' nga'aa ñaa nu ngu' tii bi' slo. Li' ngulo rey bi' cña ji'i̱ msu, cha' tsaa ngu' cujuii ngu' ji'i̱ lcaa cubi' qui'yu nu ntsu'u quichi̱ Belén, lcaa cubi' nu bilya tye sna yija̱ ji'i̱; lo'o jua'a̱ cujuii ngu' ji'i̱ lcaa cubi' qui'yu nu ntsu'u quichi̱ sube cacua ti. Cua jlo ti' rey cha' nu cubi' bi' bilya tye sna yija̱, cha' jua'a̱ nchcui' ngu' tii bi' xqui'ya cuii cucui nu cua na'a̱ ngu'.

APOCALIPSIS 12:14

Li' nda ycui' Ndyosi sca latya lu'be ji'i̱ nu cuna'a̱ bi', ñi'ya̱ ña'a̱ lu'be sca cua'ya tlyu, cha' taca ji'i̱ ma' tyacui ma' tsaa ma' ca su tyanu tso'o ti ma' ne' quixi̱', su tyijyu' tsa ji'i̱ ca su ndya'a̱ cuaña bi'. Ca bi' ña'a̱si̱i̱ Ni ji'i̱ ma', ña'a̱ cuayá' nu tyu'u scua sna yija̱ cla'be.

LOS HECHOS 16:36

Li' nchcui' nu laca loo bi' lo'o Pablo lo'o Silas: ―Cua ngulo bese cña jna' cha' culaá na' ji'i̱ ma̱ ―nacui̱ yu ji'i̱ ngu'―, bi' cha' tso'o ti tyaa ma̱ lacua.

LOS HECHOS 10:22

―Cua ngulo nu cusu' Cornelio cña ji'i̱ ya cha' ca̱a̱ ya ca nde ―nacui̱ ngu' ji'i̱ Pedro―. Tso'o tsa tyiquee nu Cornelio bi', ndu'ni tlyu yu ji'i̱ ycui' Ndyosi, lo'o jua'a̱ tso'o tsa nchcui' lcaa ngu' judío tya'a nu'u̱ ji'i̱ nu cusu' bi'. Cua ndacha' xca̱ ji'i̱ ycui' Ndyosi ji'i̱ Cornelio cha' ta yu ji'i̱ ya ca̱a̱ ya ca nde, ca̱qui'ya ya jinu'u̱ cha' tsaa na ca slo nu cusu' bi', ca quichi̱ Cesarea. Ntsu'u cha' cuna ycui' Cornelio cua ña'a̱ ca cha' nu chcui' nu'u̱ lo'o.

LOS HECHOS 7:19

Nguñilo'o rey bi' ji'i̱ jyo'o cusu' ji'na, nguxcube' rey bi' ji'i̱ ngu'. Jua'a̱ ngulo rey bi' cña cha' xcua̱a̱ ngu' ji'i̱ lcaa cubi' qui'yu ji'i̱ ngu', cha' cajaa cubi', cha' nga'aa catu̱ la ngu' bi'.

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

APOCALIPSIS 12:6

Li' ngusna nu cuna'a̱ ndyaa ne' quixi̱' ca su tyi'i̱ ycui' ti ma'; cua laca ngua'ni cho'o ycui' Ndyosi sca su tyi'i̱ ma', su ña'a̱si̱i̱ Ni ji'i̱ ma', ca bi' tyanu ma' tii tyucuaa siyento ntucua snayala tsa̱ li'.

APOCALIPSIS 12:4

Ngujui'i̱ xtyi'i̱ ni' cuii nu ntsu'u nde cua̱; ngusalú ni' ña'a̱ tsaca cla'be lcaa cuii bi', ndyalú cuii nde lo yuu chalyuu. Li' ndatu̱ nu cuaña bi' nde loo su ndu̱ nu cuna'a̱ nu cua cala ti sñi'; lo'o cala bi', hora ti cacu cuaña ji'i̱, ngua ti' ni'.

SAN MATEO 2:22

Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'.

SAN MATEO 2:14

Hora ti ngue ti' José, li' ndyaa lo'o ji'i̱ cubi' lo'o ji'i̱ xtya'a̱ cubi' masi tya talya; ndyaa ngu' nde Egipto li'.

LOS HECHOS 12:7

Laja lo'o laja' ti yu, hora ti ndu'u tucua sca xca̱ ji'i̱ ycui' Ndyosi su nga'a̱ yu. Tso'o tsa xee ngulane ne' ni'i̱ chcua̱ li'. Nguxtyu'u xca̱ bi' ji'i̱ Pedro, nchcui' xca̱ lo'o yu li': ―Tyatu̱ clya nu'u̱ ―nacui̱ xca̱ bi' ji'i̱ yu. Hora ti ndyati̱' carena chcua̱ nu ndyaaca̱' ya' yu.