SAN MATEO 2:12 - Chatino Tataltepec

¹² Nu lo'o ndyaa ngu' caja' ngu', li' nchcui' xcalá ngu'; nchcui' ycui' Ndyosi lo'o ngu' laja xcalá cha' nga'aa tsaa ngu' slo rey Herodes bi', cha' cuiñi tsa yu. Bi' cha' ngusñi ngu' xa' tyucui̱i̱ cha' xtyu̱u̱ ngu' tyaa ngu' quichi̱ tyi ngu' chaca quiya'.

SAN MATEO 2:12 Referans Kwoze

SAN MATEO 2:22

Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'.

SAN MATEO 2:19

Ca tiya' la li' ngujuii rey Herodes bi', lo'o li' ndu'u tucua sca xca̱ ji'i̱ ycui' Ndyosi slo José laja xcalá ti yu, cha' tya ndi'i̱ José ca loyuu su cuentya Egipto:

SAN MATEO 2:13

Nu lo'o cua ndu'u ngu' tii ndyaa ngu' quichi̱ tyi ngu', li' nchcui' xcalá José. Ndyu'u tucua sca xca̱ ji'i̱ ycui' Ndyosi slo yu laja xcalá, nchcui' lo'o yu li': ―Que ti' nu'u̱ ―nacui̱ xca̱ ji'i̱ José―. Tyatu̱ nu'u̱, xna clya nu'u̱ ―nacui̱―, tsaa lo'o nu'u̱ ji'i̱ xtya'a̱ cubi' tyijyu' nde loyuu su cuentya Egipto. Tyi'i̱ ma̱ cajua ña'a̱ cuayá' nu cacha̱' hi̱ cha' tso'o tya̱a̱ ma̱ nde nasiyu̱ re chaca quiya'. Tyaala tsa rey Herodes bi'; cua ca̱a̱ ti yu quichi̱ re cha' clyana ji'i̱ cubi', cha' cujuii ji'i̱ cubi' nti' yu.

SAN MATEO 27:19

Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MATEO 1:20

Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.

HEBREOS 11:7

Jlya ti' jyo'o Noé ji'i̱ ycui' Ndyosi, bi' cha' ndyuna yu cha' nu nchcui' Ni lo'o yu, nu lo'o nacui̱ Ni ñi'ya̱ ña'a̱ cha' cuxi nu lijya̱ caca nde loo la, masi ycui' yu ná ngua tii yu ñi'ya̱ caca cha' bi'. Ngusñi yu cha' ji'i̱ ycui' Ndyosi, li' ngüiñá yu sca yaca ni'i̱ su tyi'i̱ yu lo'o lcaa tya'a ndi'i̱ yu; jua'a̱ ngua cha' ngulaá ngu' ji'i̱ tyo clyaa bi'. Jlo ti' na juani cha' cuxi tsa ngua chalyuu cusu' bi', cha' sca ti Noé jlya ti' yu cha' nu nchcui' Ni lo'o; ngua'ni ycui' Ndyosi cha' ngua tso'o cresiya ji'i̱ yu li'.

LOS HECHOS 5:29

Nguxacui̱ Pedro cha' ji'i̱ sti jo'ó bi' li', cuentya ji'i̱ lcaa ngu' nu ngua tsa'a̱ ji'i̱ Jesucristo tya clyo nchcui' yu: ―Ntsu'u cha' taquiya' ya ji'i̱ cña nu ngulo ycui' Ndyosi ji'i̱ ya, masi xa' cña culo ñati̱ chalyuu ji'i̱ ya ―nacui̱ Pedro ji'i̱ ngu'―.

LOS HECHOS 4:19

Nguxacui̱ Pedro lo'o Juan cha' ji'i̱ nu ngu' cusu' bi' li': ―Ná cube tsa ti' cu'ma̱, ngu' cusu' ―nacui̱ ngu' ji'i̱ ngu' bi'―. ¿Ha ntsu'u cha' cua'ni ya cña nu culo cu'ma̱ ji'i̱ ya? ¿Ha ná tso'o la nti' cu'ma̱ cha' cua'ni ya cña nu ngulo ycui' Ndyosi ji'i̱ ya?

1 CORINTIOS 3:19

Masi ndu'ni ñati̱ chalyuu cha' ngua tsa ji'i̱, cha' tso'o tsa nclyacua ti' ngu', si'i jua'a̱ nti' ycui' Ndyosi ña'a̱ Ni ji'i̱ ngu' bi'; ná tso'o tsiya' ti cha' nu nchcui' ñati̱ chalyuu nti' Ni. Cua nscua sca cha' lo quityi cusu' nu nchcui' ndi'ya̱: “Ndu'ni ycui' Ndyosi cha' quichi̱ yaa cha' hique ñati̱ chalyuu, masi tso'o tsa ndu'ni ngu' nti' ngu'”, nacui̱ lo quityi.

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

LOS HECHOS 10:22

―Cua ngulo nu cusu' Cornelio cña ji'i̱ ya cha' ca̱a̱ ya ca nde ―nacui̱ ngu' ji'i̱ Pedro―. Tso'o tsa tyiquee nu Cornelio bi', ndu'ni tlyu yu ji'i̱ ycui' Ndyosi, lo'o jua'a̱ tso'o tsa nchcui' lcaa ngu' judío tya'a nu'u̱ ji'i̱ nu cusu' bi'. Cua ndacha' xca̱ ji'i̱ ycui' Ndyosi ji'i̱ Cornelio cha' ta yu ji'i̱ ya ca̱a̱ ya ca nde, ca̱qui'ya ya jinu'u̱ cha' tsaa na ca slo nu cusu' bi', ca quichi̱ Cesarea. Ntsu'u cha' cuna ycui' Cornelio cua ña'a̱ ca cha' nu chcui' nu'u̱ lo'o.

HEBREOS 8:5

Pana nu xa' la sti jo'ó bi' ni, ñati̱ nu cajaa ti laca ngu' bi'; cua laca ti cña ndu'ni ngu'. Xqui'ya ngu' bi' nchca cuayá' ti' na cha' tso'o la tsiya' ti sti jo'ó laca Jesús, nu ntucua ca slo ycui' Ndyosi. Lo'o jua'a̱ nu chcua'ya late' nu ngüiñá jyo'o Moisés su ngua'ni tlyu jyo'o cusu' ji'na ji'i̱ ycui' Ndyosi nu ngua li', ndi'ya̱ nchcui' Ni lo'o nu cusu' bi' cuentya ji'i̱ chcua'ya bi': “Cui'ya nu'u̱ cuentya cha' cuiñá ma̱ ni'i̱ bi' ñi'ya̱ nu ngulu'u na' ji'i̱ ma̱ cha' cuiñá ma̱ ji'i̱, nu lo'o ngutu̱ nu'u̱ nchcui' nu'u̱ lo'o na' lo xlya ca'ya cua̱ bi'”, nacui̱ Ni. Pana sca na nu culiji yu'u ti ngua bi', tso'o la tsiya' ti su ntucua Ni nde cua̱.