Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.
SAN MATEO 19:9 - Chatino Tataltepec9 Cuentya jna' ni, ta na' sca cui̱i̱ lo'o ma̱ juani: Si ntsu'u sca ñati̱ nu nguxtyanu ji'i̱ clyo'o cha' caja clyo'o lo'o xa' nu cuna'a̱, ngua'ni tyucuaa ti' yu lo'o nu cuna'a̱ clyo'o yu. Sca ti si clyo'o yu ngua'ni suba' lo'o xa' nu qui'yu, liñi cha' xtyanu yu ji'i̱ nu cuna'a̱ bi' li'. La cui' jua'a̱, nu cuna'a̱ nu cua nguxtyanu clyo'o ji'i̱ bi', si xa' caja clyo'o lo'o chaca ñati̱, cha' suba' cua'ni ngu' bi' li'. Gade chapit la |
SAN MATEO 19:9
18 Referans Kwoze
Tya nchcui' la Jesús lo'o ngu' li': ―Lo'o culo sca ñati̱ quityi cha' xtyanu yu ji'i̱ clyo'o yu, cha' xa' caja clyo'o yu lo'o xa' nu cuna'a̱, cha' suba' ndyu'ni yu bi' li'. Lo'o jua'a̱ lo'o caja clyo'o sca nu qui'yu lo'o sca nu cuna'a̱ nu cua nguxtyanu clyo'o ji'i̱, masi cuentya ji'i̱ ley, la cui' ti cha' suba' laca nu ndyu'ni nu qui'yu bi' li'.
Cu'ma̱ ngu' cuna'a̱ nu cua ngujui clyo'o ma̱, ná ntsu'u chacuayá' caja clyo'o lo'o chaca ñati̱ laja lo'o tya lu'ú clyo'o ma̱. Sca ti si cua ngujuii nu qui'yu ji'i̱ ma̱, ca li' ntsu'u chacuayá' caja clyo'o ma̱ chaca quiya'. Taca caja clyo'o ma̱ li' chaca quiya' lo'o cua ña'a̱ ca nu qui'yu nu nti' ma̱, sca ti si lo'o yu bi' laca ñati̱ tya'a ngusñi na cha' ji'i̱ Jesús.
Cua ngujui cha' 'na, cua ndyuna na' cha' suba' tsa ngua'ni sca ñati̱ tya'a ngusñi ma̱ cha' ji'i̱ Jesucristo; ngua'ni yu sca cña nu cuxi tsa. Pana ni ngu' xa' tsu', ná ndu'ni ngu' tsa lo cua cha' cuxi, masi ná ndaquiya' ngu' ji'i̱ ycui' Ndyosi tsiya' ti. Ndi'ya̱ cña ngua'ni yu: ngua'a̱ yu lo'o xtya'a̱ miña'a̱ yu.
Piblisite