SAN MATEO 19:6 - Chatino Tataltepec

⁶ Nga'aa si'i tucua tya'a ñati̱ laca ngu', cua laca ji'i̱ ngu' ñi'ya̱ si laca ngu' sca ti ñati̱. Bi' cha' ná tso'o xtyanu ngu' ji'i̱ clyo'o ngu', cha' cua nda ycui' Ndyosi cha' clyo'o ji'i̱ ngu'.

SAN MATEO 19:6 Referans Kwoze

SAN MARCOS 10:9

Bi' cha' ná tso'o xtyanu ngu' ji'i̱ clyo'o ngu', cha' cua nda ycui' Ndyosi cha' clyo'o ji'i̱ ngu' ―nacui̱ Jesús ji'i̱ ngu'.

HEBREOS 13:4

Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.

ROMANOS 7:2

Ñi'ya̱ laca sca nu cuna'a̱ nu ntsu'u clyo'o ni, cuentya ji'i̱ cña nu ngulo Ni ji'i̱ jyo'o cusu' ji'na bi', nga'a̱ cha' tyi'i̱ nu cuna'a̱ bi' lo'o clyo'o tyucui tyempo lo'o tya lu'ú ti yu; sca ti nu lo'o cua ngujuii yu, li' nga'aa cua'a cha' bi' ji'i̱ nu cuna'a̱ bi', nga'aa ntsu'u nu cuentya ji'i̱ li'.

EFESIOS 5:28

Cu'ma̱ ngu' qui'yu nu ntsu'u clyo'o ma̱ ni, nga'a̱ cha' cua'ni tyaca'a ma̱ ji'i̱ clyo'o ma̱, ñi'ya̱ ndu'ni tyaca'a ma̱ ji'i̱ ycui' ca ma̱. Si tyaca'a clyo'o na ji'na, laca cha' ndu'ni na sca cha' tso'o ji'i̱ ycui' ca na,

SAN MATEO 19:5

Lo'o jua'a̱ ndi'ya̱ nacui̱ Ni: “Bi' cha' tyu'utsu' sca nu qui'yu slo sti yu, slo xtya'a̱ yu, cha' caja clyo'o lo'o sca nu cuna'a̱, cha' caca ngu' sca ti xtañi tyucuaa ngu'”.

SAN MATEO 19:7

Li' nguxacui̱ ngu' bi' cha' ji'i̱ Jesús: ―¿Ni cha' laca ngulo jyo'o Moisés cña ji'na lacua? Cha' tso'o ji'i̱ sca nu qui'yu, nacui̱ jyo'o cusu' bi', si culo yu sca quityi cha' xtyanu yu ji'i̱ nu cuna'a̱ nu laca clyo'o yu.