SAN MATEO 19:27 - Chatino Tataltepec

²⁷ Li' nchcui' Pedro xi lo'o Jesús: ―Lo'o cuare ni, cua nguxtyanu ya lcaa na nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱ Pedro ji'i̱ Jesús―. ¿Na laca caja ji'i̱ ya nde loo la li'?

SAN MATEO 19:27 Referans Kwoze

FILIPENSES 3:8

Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo,

SAN LUCAS 5:11

Lo'o ndyalaa yaca ni'i̱ bi' ca to tayu' chaca quiya', li' nguxtyanu ngu' bi' ji'i̱ yaca ni'i̱, ndu'u ngu' ndyaa ngu' lo'o Jesús li'.

SAN LUCAS 18:28

―Cusu' ―nacui̱ Pedro ji'i̱―, cua nguxtyanu ya lcaa cha' nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱.

SAN LUCAS 15:29

Li' nacui̱ yu ji'i̱ sti yu: “Jlo ti' nu'u̱ ni cua lcua yija̱ ndi'i̱ na' ndyu'ni na' cña jinu'u̱, lo'o ni sca quiya' ná ngua'ni xña'a̱ na' lo'o nu'u̱; lcaa cña nu ngulo nu'u̱ 'na, ngua'ni na' ji'i̱. Pana ni sca quiya' ná nda nu'u̱ masi sca chivo piti ti jna' cha' cua'ni na' ta'a lo'o tya'a tso'o na'.

SAN MARCOS 10:28

Nchcui' Pedro lo'o li': ―Lo'o cuare ni, cua nguxtyanu ya ji'i̱ lcaa na nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱ Pedro ji'i̱ Jesús.

SAN MARCOS 2:14

Laja lo'o ndya'a̱ ti Jesús, li' nteje tacui yu to' ni'i̱ su ntucua Leví sñi' Alfeo nu nxñi cñi cña loo ngu' cuentya ji'i̱ ngu' xa' tsu' nu laca loo. ―Tsaa nu'u̱ lo'o na' ―nacui̱ Jesús ji'i̱ nu Leví bi'. Lo'o li' hora ti ndyatu̱ Leví nguxana yu ndya'a̱ yu lo'o Jesús.

SAN LUCAS 14:33

Lo'o jua'a̱ cua ña'a̱ ca cu'ma̱ nu lye la ntsu'u tyiquee ma̱ ji'i̱ lcaa cha' tso'o nu ntsu'u ji'i̱ ma̱, ná taca caca ma̱ ñati̱ jna' li'.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

1 CORINTIOS 4:7

¿Ni cha' laca cha' ndulo tsa cha' ji'i̱ ycui' ma̱ cuentya ji'i̱ ma̱, pana ná ndube ti' ma̱ ji'i̱ xa' ñati̱? Ycui' Ndyosi cua nda lcaa na nu ntsu'u ji'i̱ ma̱, lcaa cña nu nchca ji'i̱ ma̱; bi' cha' lacua ná ntsu'u cha' cua'ni tyucuaa ti' ma̱ ji'i̱ tya'a ma̱. Si'i xqui'ya cña nu ndyu'ni ycui' ma̱ ngutsa'a̱ chalyuu ji'i̱ ma̱, xqui'ya ycui' Ndyosi cua laca ma̱ ñi'ya̱ nu laca ma̱ juani.

1 CORINTIOS 1:29

Jua'a̱ ca cuayá' ti' lcaa na cha' ná tso'o si cua'ni tyucuaa ti' na ji'i̱ tya'a ñati̱ na, si ndube ti' na ji'i̱ ycui' Ndyosi.

SAN MATEO 19:26

―Bi' laca sca cha' nu ná nchca cua'ni ni sca ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.