SAN MATEO 19:23 - Chatino Tataltepec

²³ Li' nchcui' Jesús lo'o ngu' nu ndyaca tsa'a̱ ji'i̱: ―Cha' liñi nchcui' na' lo'o ma̱ juani ―nacui̱―, tucui tsa caca ji'i̱ ngu' culiya' cha' tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'.

SAN MATEO 19:23 Referans Kwoze

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

SAN MARCOS 10:23

Nguxtyacui Jesús nxña'a̱ ji'i̱ ngu' nu ndyaca tsa'a̱ ji'i̱ li'. ―Tucui tsa caca cha' tyalaa ngu' culiya' ca su laca ycui' Ndyosi loo ―nacui̱ Jesús ji'i̱ ngu' bi' li'.

SAN LUCAS 18:24

Lo'o na'a̱ Jesús cha' xñi'i̱ tsa ti' yu, li' nacui̱ ji'i̱ ngu' nu ndi'i̱ slo: ―Tucui tsa laca cha' ji'i̱ ngu' culiya' cha' tyatí̱ ngu' lo cha' ji'i̱ ycui' Ndyosi, cha' caca Ni loo ne' cresiya ji'i̱ ngu'.

1 CORINTIOS 1:26

Cu'ma̱ tya'a ngusñi na cha' ji'i̱ Cristo, tyi'u ti' ma̱ juani ñi'ya̱ ña'a̱ ñati̱ ngua ma̱ tya clyo, nu lo'o ngusubi ca ti Ni ji'i̱ ma̱: sca tucua ti ma̱ nu nchca tsa ji'i̱ ma̱; si'i ñati̱ tlyu laca ma̱, si'i ñati̱ culiya' laca ma̱ su ndi'i̱ ma̱ chalyuu, sca tucua ti cu'ma̱ nu tso'o laca xi ji'i̱ ma̱.

SAN JUAN 3:3

Li' nchcui' Jesús lo'o: ―Liñi tsa cha' nu ta na' lo'o nu'u̱ juani: ndu'ni ycui' Ndyosi Sti na' cha' cala ñati̱ chaca quiya', si nti' ngu' xñi ngu' cha' ji'i̱ ycui' Ni cha' caca Ni loo ne' cresiya ji'i̱ ngu' ―nacui̱.

SANTIAGO 2:6

Ná tso'o ndyu'ni cu'ma̱, cha' ti'í ti' ma̱ ña'a̱ ma̱ ji'i̱ ngu' ti'i. Xcuane na' sca cha' ji'i̱ ma̱ lacua: ¿Ha si'i nu culiya' laca nu ti'í ti' ji'i̱ ma? ¿Ha si'i nu culiya' laca nu ndya'a̱lo'o ji'i̱ ma̱ ca slo ngu' tisiya?

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

SAN JUAN 3:5

―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.

SAN MATEO 18:3

―Cha' liñi nchcui' na' lo'o ma̱ ―nacui̱ Jesús ji'i̱ ngu' bi'―, cha' ná caca tyatí̱ ma̱ cha' ji'i̱ ycui' Ndyosi cha' caca Ni loo ne' cresiya ji'i̱ ma̱ si ná cha'a̱ cha' tyiquee ma̱; nga'a̱ cha' caca tyiquee ma̱ ñi'ya̱ laca tyiquee nu piti re, cha' ná tyixi ndu'ni ngu' sube.

SAN MATEO 5:20

Ndi'ya̱ ñacui̱ na' ji'i̱ ma̱ juani: ná caja chalyuu nu ná nga'a̱ cha' tye ji'i̱ ma̱, si ná tso'o la cha' nu cua'ni ma̱, si'i ñi'ya̱ nu ndu'ni ngu' tacati jua, nu ngu' fariseo bi' lo'o jua'a̱ nu mstru cha' jo'ó bi'.

SAN MATEO 21:31

¿Ñi'ya̱ nti' cu'ma̱ ni? Nu tyucuaa qui'yu cuañi' bi' ni, ¿tilaca laca nu ngua'ni cña nu ngua ti' sti ngu' cha' cua'ni ngu'? ―Sñi' clyo yu, bi' laca bi' ―nacui̱ ngu' ji'i̱ Jesús li'. ―Chañi cha' ji'i̱ ma̱ ―nacui̱ Jesús ji'i̱ ngu'―. Cha' liñi nchcui' na' lo'o ma̱ juani, cha' ntsu'u ngu' cuxi, ñi'ya̱ nti' nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu', ntsu'u ngu' bi' nu yala la tyatí̱ cha' ji'i̱ ycui' Ndyosi, cha' caca Ni loo ne' cresiya ji'i̱ ngu'; jua'a̱ ntsu'u nu cuna'a̱ calle ti nu yala la tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'. Pana cu'ma̱ ni, tiya' tsa tyalaa cu'ma̱ ca su ntucua ycui' Ni.

SAN MATEO 19:22

Lo'o ndyuna yu cuañi' bi' cha' nu nda Jesús lo'o yu, ndu'u yu ndyaa yu li'; xñi'i̱ xi ti' yu cha' nchcui' Jesús cha' bi', cha' culiya' tsa yu.