SAN MATEO 19:20 - Chatino Tataltepec

²⁰ Li' nguxacui̱ yu bi' cha' ji'i̱ Jesús: ―Tya lo'o cuañi' na' ndaquiya' na' ji'i̱ lcaa cña bi' lcaa tsa̱ ―nacui̱ yu cuañi' bi' ji'i̱ Jesús―. ¿Ha tya ntsu'u la cha' nu tya lyiji cua'ni na' lacua? ―nacui̱.

SAN MATEO 19:20 Referans Kwoze

GÁLATAS 3:24

Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

FILIPENSES 3:6

cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti.

ROMANOS 7:9

Ngua ti' na' cha' tso'o tsa nguti'i̱ na', nu lo'o tya lyiji ca cuayá' ti' na' ni cha' nda cha' cusu' bi'; pana nu lo'o ngua cuayá' ti' na', li' ngua tii na' cha' ntsu'u tsa qui'ya jna'. Na cua chcuna' ti chalyuu 'na ngua li'.

SAN JUAN 8:7

Lo'o jua'a̱ nchcuane ngu' ji'i̱ Jesús chaca quiya'. Li' ndaca'a̱ liñi Jesús, nchcui' yu lo'o ngu' nu ya̱a̱ lo'o ji'i̱ nu cuna'a̱ bi': ―Lo'o ntsu'u tsaca cu'ma̱ nu ná ntsu'u qui'ya ji'i̱ ma̱ ―nacui̱ yu―, bi' caca nu cujui'i̱ quee ji'i̱ nu cuna'a̱ cua clyo.

SAN LUCAS 15:29

Li' nacui̱ yu ji'i̱ sti yu: “Jlo ti' nu'u̱ ni cua lcua yija̱ ndi'i̱ na' ndyu'ni na' cña jinu'u̱, lo'o ni sca quiya' ná ngua'ni xña'a̱ na' lo'o nu'u̱; lcaa cña nu ngulo nu'u̱ 'na, ngua'ni na' ji'i̱. Pana ni sca quiya' ná nda nu'u̱ masi sca chivo piti ti jna' cha' cua'ni na' ta'a lo'o tya'a tso'o na'.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

SAN MATEO 19:19

Lo'o jua'a̱ cua'ni tlyu ma̱ ji'i̱ sti ma̱, ji'i̱ xtya'a̱ ma̱. Cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ti ma̱.

SAN MATEO 19:21

―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.