SAN MATEO 19:19 - Chatino Tataltepec

¹⁹ Lo'o jua'a̱ cua'ni tlyu ma̱ ji'i̱ sti ma̱, ji'i̱ xtya'a̱ ma̱. Cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ti ma̱.

SAN MATEO 19:19 Referans Kwoze

SAN MATEO 22:39

Lo'o jua'a̱ ntsu'u chaca cha' tlyu: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”.

SANTIAGO 2:8

Tso'o tsa si chañi cha' ndaquiya' ma̱ cha' cusu' nu nscua tya clyo la; ndi'ya̱ nchcui' cha' bi': “Ntsu'u cha' cua'ni tya'na ti' na ji'i̱ tya'a ñati̱ na, ñi'ya̱ laca si ndu'ni tya'na ti' na ji'i̱ ycui' ca na”, nacui̱ quityi.

GÁLATAS 5:14

Li' taca cua'ni na lcaa cña nu nti' ycui' Ndyosi cha' cua'ni na, si taquiya' na ji'i̱ sca ti cha'cña nu nchcui' ndi'ya̱: “Nga'a̱ cha' tso'o ti tyu'u tyiquee na ña'a̱ na ji'i̱ xa' la ñati̱, ñi'ya̱ nu tso'o tsa ntsu'u tyiquee na ña'a̱ na ji'i̱ ycui' ca ti na”.

SAN LUCAS 10:27

Li' nchcui' mstru cha' jo'ó bi': ―Ndi'ya̱ nchcui' cha' cusu' bi' ―nacui̱ mstru bi'―, cha' tso'o tsa tyu'u tyiquee na ña'a̱ na ji'i̱ ycui' Ndyosi, jua'a̱ tyucui tyiquee na taquiya' na ji'i̱ ycui' Ni, jua'a̱ cua'ni tlyu na ji'i̱ Ni lo'o lcaa cha' nu ca'ya hique na, jua'a̱ tyucui juersa ji'na cua'ni tlyu na ji'i̱ ycui' Ni. Lo'o jua'a̱ nga'a̱ cha' cua'ni tya'na ti' na ji'i̱ tya'a ñati̱ na, ñi'ya̱ nu nti' na cha' cua'ni tya'na ti' xa' ñati̱ ji'na.

ROMANOS 13:9

Tyu̱u̱ lo cña ngulo Ni ji'i̱ ñati̱ nu lo'o nda Ni cha' lo'o Moisés nu ngua sa'ni; ndi'ya̱ nacui̱ Ni: “Ná tyu'u cha' ji'i̱ ma̱ lo'o clyo'o xa' ñati̱”, nacui̱ Ni. “Ná cujuii ma̱ ji'i̱ tya'a ñati̱ ma̱. Ná cuaana ma̱ na nu ntsu'u ji'i̱ tya'a ñati̱ ma̱. Ná tyacui ti' ma̱ na nu ntsu'u ji'i̱ tya'a ñati̱ ma̱”, nacui̱ Ni. Sca ti cuayá' ndyu'u lcaa cha' bi' lo'o chaca cha' nu nchcui' quityi re: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”, nacui̱ Ni.

SAN MATEO 5:43

’Cua ndyuna ma̱ cha' nu nchcui' jyo'o cusu' sa'ni. Ndi'ya̱ nacui̱: “Cua'ni tyaca'a ma̱ ji'i̱ ngu' tya'a ma̱, lo'o jua'a̱ ca ti'í ti' ma̱ ji'i̱ tya'a cusu̱u̱ ma̱”.

SAN MATEO 19:20

Li' nguxacui̱ yu bi' cha' ji'i̱ Jesús: ―Tya lo'o cuañi' na' ndaquiya' na' ji'i̱ lcaa cña bi' lcaa tsa̱ ―nacui̱ yu cuañi' bi' ji'i̱ Jesús―. ¿Ha tya ntsu'u la cha' nu tya lyiji cua'ni na' lacua? ―nacui̱.