Bi' cha' lacua, cua'a ma̱ ji'i̱ ycui' ca ma̱; cui'ya ma̱ cuentya ñi'ya̱ nu cua'ni ma̱ nde chalyuu, cha' jlo ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Jatya ma̱ ni jacua' tyalaa tsa̱ lo'o ta ycui' Jesucristo nu Xu'na na chalyuu nu ná nga'a̱ cha' tye tsiya' ti ji'na, cha' tya'na tsa ti' Ni ña'a̱ Ni ji'na.
SAN MATEO 19:16 - Chatino Tataltepec16 Ca tiya' la li' ñaa sca nu qui'yu cuañi' slo Jesús. ―Mstru, tso'o tsa ndu'ni nu'u̱ ―nacui̱ yu ji'i̱ Jesús―. Cua'ni nu'u̱ cha' tso'o cacha' nu'u̱ jna': ¿Na laca nu tso'o cua'ni na' cha' caja chalyuu nu ná nga'a̱ cha' tye 'na? ―nacui̱ yu. Gade chapit la |
SAN MATEO 19:16
32 Referans Kwoze
Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.
Ngula Jesucristo nde lo yuu chalyuu su ndi'i̱ ya, lo'o jua'a̱ cua na'a̱ ya ji'i̱ ycui' yu; bi' laca cha' nu ndacha' ya ji'i̱ ma̱ juani, cha' chañi tsa laca cha' bi'. Nclyu'u ya ji'i̱ ma̱ ñi'ya̱ laca cha' tyucui tyempo lu'ú Jesucristo, cha' ntucua yu ca slo ycui' Ndyosi Sti na clyo; jua'a̱ nclyu'u ya ñi'ya̱ ngua cha' na'a̱ ya ji'i̱ yu nde chalyuu re.
Tyucui tyiquee nu'u̱ cua'ni nu'u̱ cña ji'i̱ ycui' nu Xu'na na, xqui'ya cha' ngusñi tso'o nu'u̱ cha' ji'i̱ Ni. Cua jlo ti' nu'u̱ cha' ná nga'a̱ cha' tye chalyuu jinu'u̱, cha' ngusubi ycui' Ndyosi jinu'u̱, lo'o li' cua nda nu'u̱ cha' lo'o tyu̱u̱ tya'a ñati̱ ñi'ya̱ ngua lo'o ngusñi nu'u̱ cha' ji'i̱ Jesucristo; si'i sca cha' cuaana ti ngua bi'.
sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.
Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.
Ngüi'ya tsa Jesucristo cha' clyu ti' 'na lo'o ngüityi̱ Ni qui'ya nu ntsu'u 'na, cha' culu'u ycui' Ndyosi ji'i̱ xa' la ñati̱ ñi'ya̱ caca xñi ngu' cha' ji'i̱ Ni. Ñi'ya̱ lo'o tya'na ti' Jesús jna' tya clyo, jua'a̱ ca tya'na ti' Ni ji'i̱ lcaa ñati̱ nu xñi cha' ji'i̱ Jesús ca nde loo la, cha' si jlya ti' ngu' ji'i̱ Ni, ná nga'a̱ cha' tye chalyuu ji'i̱ ngu' li'.
Piblisite