SAN MATEO 19:15 - Chatino Tataltepec

¹⁵ Li' ngusta ya' Jesús hique nu sube bi'. Lo'o li' ndu'u Jesús ndyaa.

SAN MATEO 19:15 Referans Kwoze

2 TIMOTEO 3:15

Tya cuañi' tsa nu'u̱ lo'o nguxana nu'u̱ ndyaca tsa'a̱ nu'u̱ lo quityi ji'i̱ ycui' Ndyosi; quityi bi' laca nu culu'u liñi ji'na ñi'ya̱ taca clyaá na ji'i̱ nu cuxi, si xñi tso'o na cha' ji'i̱ Jesucristo.

1 CORINTIOS 7:14

Ntucuá ycui' Ndyosi ji'i̱ cha' nu nchcui' ngu' cuna'a̱ bi' lo'o ycui' Ni cuentya ji'i̱ clyo'o ngu', tso'o cha' bi' cuentya ji'i̱ ycui' Ndyosi cha' clyo'o laca ngu'. Lo'o jua'a̱ nu ngu' cuna'a̱ nu tya lyiji xñi cha' ji'i̱ Jesús, tya'a cha' nu cua ngusñi clyo'o, ntucuá ycui' Ndyosi ji'i̱ cha' nu nchcui' nu qui'yu bi' lo'o ycui' Ni cuentya ji'i̱ clyo'o ngu'; tso'o cha' bi' cuentya ji'i̱ Ni cha' clyo'o laca ngu'. Nga'a̱ cha' caca jua'a̱ xqui'ya nu sube sñi' ma̱. Nga'aa laca ngu' sube bi' ñi'ya̱ nu laca sñi' xa' ñati̱ nu ná ndaquiya' ji'i̱ ycui' Ndyosi tsiya' ti, cha' cua ngusñi Ni cuentya ji'i̱ nu sube bi' xqui'ya cu'ma̱.

SAN MARCOS 10:16

Lo'o li' ndyala' Jesús ji'i̱ nu sube bi', ngulacua̱ yu ji'i̱ nu sube lo'o ngusta ya' yu hique ngu'.

SAN MATEO 19:14

pana hora ti nchcui' Jesús lo'o ngu' nu ndyaca tsa'a̱ ji'i̱ li': ―Ta ma̱ chacuayá' ji'i̱ nu sube cha' ca̱a̱ ngu' slo na' ―nacui̱ Jesús ji'i̱ ngu' bi'―. Ná cua'a ma̱ ji'i̱ nu sube bi'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi nu lo'o caca Ni loo ne' cresiya ji'i̱ ngu'.

SAN MATEO 19:16

Ca tiya' la li' ñaa sca nu qui'yu cuañi' slo Jesús. ―Mstru, tso'o tsa ndu'ni nu'u̱ ―nacui̱ yu ji'i̱ Jesús―. Cua'ni nu'u̱ cha' tso'o cacha' nu'u̱ jna': ¿Na laca nu tso'o cua'ni na' cha' caja chalyuu nu ná nga'a̱ cha' tye 'na? ―nacui̱ yu.