SAN MATEO 19:14 - Chatino Tataltepec

¹⁴ pana hora ti nchcui' Jesús lo'o ngu' nu ndyaca tsa'a̱ ji'i̱ li': ―Ta ma̱ chacuayá' ji'i̱ nu sube cha' ca̱a̱ ngu' slo na' ―nacui̱ Jesús ji'i̱ ngu' bi'―. Ná cua'a ma̱ ji'i̱ nu sube bi'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi nu lo'o caca Ni loo ne' cresiya ji'i̱ ngu'.

SAN MATEO 19:14 Referans Kwoze

SAN MATEO 18:3

―Cha' liñi nchcui' na' lo'o ma̱ ―nacui̱ Jesús ji'i̱ ngu' bi'―, cha' ná caca tyatí̱ ma̱ cha' ji'i̱ ycui' Ndyosi cha' caca Ni loo ne' cresiya ji'i̱ ma̱ si ná cha'a̱ cha' tyiquee ma̱; nga'a̱ cha' caca tyiquee ma̱ ñi'ya̱ laca tyiquee nu piti re, cha' ná tyixi ndu'ni ngu' sube.

1 CORINTIOS 14:20

Cu'ma̱ tya'a ngusñi na cha' ji'i̱ Cristo, tso'o la si ná jlo ti' ma̱ tsiya' ti na ca laca sca cha' cuxi; ñi'ya̱ laca nu sube, jua'a̱ caca ma̱ cha' ná jlo ti' ngu' sube cha' bi'. Pana nga'aa culacua ti' ma̱ ñi'ya̱ nu nclacua ti' nu sube; juani culacua tso'o ti' ma̱, ñi'ya̱ nclacua ti' ngu' cusu'.

SAN MARCOS 10:14

Lo'o na'a̱ Jesús ñi'ya̱ nu ndyu'ni ngu' nu ndyaca tsa'a̱ ji'i̱, ná ndiya ti' yu cha' ndyu'ni ngu' jua'a̱: ―Ta ma̱ chacuayá' ji'i̱ nu sube cha' ca̱a̱ ngu' ca slo na' ―nacui̱ Jesús ji'i̱ ngu' bi'―. Ná cua'a ma̱ chacuayá' ji'i̱ nu sube bi', cha' ca̱a̱ ngu' slo na'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi, nu lo'o laca Ni loo ne' cresiya ji'i̱ ngu'.

SAN MATEO 11:25

Lo'o li' nchcui' Jesús lo'o ycui' Ndyosi Sti yu: ―Cua'ni tlyu na' jinu'u̱, Sti na'; la cui' nu'u̱ laca Xu'na ya, masi nde cua̱, masi nde chalyuu ―nacui̱ Jesús ji'i̱ ycui' Ndyosi―. Tsa xlya'be hi̱ cha' cua ngua'ni nu'u̱ cha' ngua cuayá' ti' ñati̱ nu ná jlo tso'o ti' nquicha'; pana xa' ñati̱ ñi'ya̱ nti' ngu' tii, ná nchca cuayá' ti' ngu' bi' cha' jinu'u̱. Masi ngu' nu nchca tsa ji'i̱, masi ngu' nu jlo tsa ti' lcaa cha' jinu'u̱ nti' ngu', pana ná nchca cuayá' ti' ngu' bi'.

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 5:10

’Lo'o jua'a̱ tso'o ntsu'u tyiquee ñati̱ si talo tyiquee ji'i̱ xa' ñati̱, masi lya' ti' ngu' ji'i̱, masi ti'í ti' ngu' ji'i̱, xqui'ya cha' tso'o nu ndu'ni cuentya ji'i̱ ycui' Ni. Tso'o ntsu'u tyiquee ñati̱ bi' si talo tyiquee ji'i̱ ngu', cha' jua'a̱ laca ycui' Ndyosi loo ne' cresiya ji'i̱ ñati̱ bi'.

SAN MATEO 19:15

Li' ngusta ya' Jesús hique nu sube bi'. Lo'o li' ndu'u Jesús ndyaa.

SAN MARCOS 10:15

Chañi cha' nu nchcui' na' ―nacui̱―, cha' ná caca tyatí̱ ngu' cha' ji'i̱ ycui' Ndyosi cha' caca Ni loo ne' cresiya ji'i̱ ngu', si ná tyucui ti' tyiquee ngu' ñi'ya̱ nu ntsu'u tyiquee sca nu sube.