SAN MATEO 19:12 - Chatino Tataltepec

¹² Ntsu'u tyu̱u̱ lo cha' nu ndu'ni cha' ná nchca caja clyo'o sca nu qui'yu: ntsu'u ngu' nu quicha ngu' tya lo'o ngula ngu'; lo'o jua'a̱ ntsu'u xi ngu' nu quicha ngu' xqui'ya cha' ngua'ni ñu'u̱ ñati̱ ji'i̱ ngu' bi'; lo'o jua'a̱ ntsu'u xi ngu' nu cua ngusubi ycui' Ndyosi ji'i̱ cha' cua'ni ngu' cña ji'i̱ Ni, bi' cha' tso'o la masi ná caja clyo'o ngu' bi' li', nti' ngu', cha' sca ti ycui' Ndyosi caca loo ji'i̱ ngu' li', nti' ngu'. Nu qui'yu bi' ni, ycui' yu nda yu cuentya si caca ji'i̱ yu tyi'i̱ yu ycui' ti yu; tso'o si talo yu bi' tyi'i̱ yu ycui' ti yu lacua.

SAN MATEO 19:12 Referans Kwoze

1 CORINTIOS 9:5

Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.

1 CORINTIOS 9:15

Pana ná ngüijña na' na cacu na' ji'i̱ ngu' tsiya' ti lcaa se'i̱ su ndya'a̱ na'. La cui' jua'a̱ ná nscua na' quityi re cha' jña na' na cacu na' ji'i̱ cu'ma̱, cha' ná xñi na' na nu ta ngu' 'na masi cajaa ycui' na'; tso'o la nti' na' cha' ndu'ni na' cña re jua'a̱ ti, ná lo'o caya'.

SAN MATEO 19:11

―Ntsu'u tsa ngu' qui'yu nu ná talo ngu' cha' ntucua ngu' ycui' ti ngu' ―nacui̱ Jesús ji'i̱ ngu' nu ndyaca tsa'a̱ ji'i̱ li'―. Sca ti si culo ycui' Ndyosi cña ji'i̱ sca ñati̱ cha' ná caja clyo'o, li' talo yu cha' ná cala' ji'i̱ sca nu cuna'a̱ tsiya' ti, si xtyucua ycui' Ndyosi ji'i̱ yu bi'.

SAN MATEO 19:13

Lo'o li' ngua sca quiya' ñaa lo'o ngu' ji'i̱ tyu̱u̱ tya'a nu sube ca su nga'a̱ Jesús. Ngua ti' ngu' cha' sta ya' ycui' Jesús hique nu sube bi', cha' chcui' yu lo'o ycui' Ndyosi cuentya ji'i̱ nu sube bi'. Li' ngua'ni tyaala nu ngu' nu ndyaca tsa'a̱ ji'i̱ Jesús ji'i̱ ngu' bi',

APOCALIPSIS 14:4

Ñati̱ lubii tsiya' ti laca nu ngu' quiña'a̱ bi'. Ná ngutu'u cha' ji'i̱ ngu' bi' lo'o xa' nu cuna'a̱ nu lo'o nguti'i̱ ngu' chalyuu, ná ngua'ni ngu' bi' cha' suba' tsiya' ti; nguta'a̱ ngu' lo'o nu ñi'ya̱ ña'a̱ xlya' bi' macala su ndya'a̱. Cua ngua'ni lyaá Ni ji'i̱ ngu' bi', cha' bi' laca ñati̱ nu tso'o nti' ycui' Ndyosi ña'a̱ Ni ji'i̱ tya lo'o nguxana cha' ji'i̱ nu ñi'ya̱ ña'a̱ xlya' bi'. Tya clyo ngusubi Ni ji'i̱ ngu' bi', cha' cua'ni ngu' cña ji'i̱ Ni.