SAN MATEO 19:10 - Chatino Tataltepec

¹⁰ Lo'o li' nchcui' ngu' nu ndyaca tsa'a̱ ji'i̱ lo'o Jesús: ―Tso'o la si ná caja clyo'o na tsiya' ti, si jua'a̱ laca cha' ji'i̱ ngu' qui'yu lo'o clyo'o ngu' ―nacui̱ ngu'.

SAN MATEO 19:10 Referans Kwoze

1 TIMOTEO 4:3

Nclu'u ngu' cuiñi bi' cha' ná tso'o caja clyo'o na; nclu'u ngu' cha' ntsu'u tsa na ndacu na nu ná tso'o cacu na, nacui̱ ngu' bi'. Tlyu tsa cha' cuiñi nu nda ngu' bi'. Pana ngüiñá ycui' Ndyosi lcaa na nu ndacu na cha' tso'o ti cacu na ji'i̱, lcaa tya'a na nu ntsu'u cha' ji'na lo'o Jesucristo; bi' cha' tya na xlya'be ji'i̱ ycui' Ndyosi lo'o cua cacu ti na, cha' jlo ti' na cha' tso'o ji'i̱ ycui' Ni.

1 CORINTIOS 7:8

Nde laca cha' nu ta na' lo'o cu'ma̱ nu bilya caja clyo'o ma̱, cuati jua'a̱ lo'o ngu' tya'a na nu ndyanu ti'i ti: tso'o la caca ji'i̱ ma̱ si tyi'i̱ ma̱ ñi'ya̱ nu ndi'i̱ ti na', nti' na'.

SAN MATEO 19:9

Cuentya jna' ni, ta na' sca cui̱i̱ lo'o ma̱ juani: Si ntsu'u sca ñati̱ nu nguxtyanu ji'i̱ clyo'o cha' caja clyo'o lo'o xa' nu cuna'a̱, ngua'ni tyucuaa ti' yu lo'o nu cuna'a̱ clyo'o yu. Sca ti si clyo'o yu ngua'ni suba' lo'o xa' nu qui'yu, liñi cha' xtyanu yu ji'i̱ nu cuna'a̱ bi' li'. La cui' jua'a̱, nu cuna'a̱ nu cua nguxtyanu clyo'o ji'i̱ bi', si xa' caja clyo'o lo'o chaca ñati̱, cha' suba' cua'ni ngu' bi' li'.

SAN MATEO 19:11

―Ntsu'u tsa ngu' qui'yu nu ná talo ngu' cha' ntucua ngu' ycui' ti ngu' ―nacui̱ Jesús ji'i̱ ngu' nu ndyaca tsa'a̱ ji'i̱ li'―. Sca ti si culo ycui' Ndyosi cña ji'i̱ sca ñati̱ cha' ná caja clyo'o, li' talo yu cha' ná cala' ji'i̱ sca nu cuna'a̱ tsiya' ti, si xtyucua ycui' Ndyosi ji'i̱ yu bi'.