SAN MATEO 18:8 - Chatino Tataltepec

⁸ ’Nga'a̱ cha' xtyanu ma̱ tsiya' ti lcaa cha' cuxi nu ndiya tsa ti' ma̱ ji'i̱, masi tiji̱' tsa ti' ma̱ ji'i̱ sca cha' bi' ñi'ya̱ laca si ya' ma̱ laca, ñi'ya̱ laca si quiya' ma̱ laca. Tso'o la xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi bi' nu tiji̱' tsa ti' ma̱ ji'i̱, lo'o li' ná tyalaa ma̱ su nga'aa tye tsiya' ti cha' tyaqui̱ quii'.

SAN MATEO 18:8 Referans Kwoze

ROMANOS 13:12

Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

APOCALIPSIS 14:10

xcube' Ni ji'i̱ ngu' bi', cha' lye tsa ngunasi̱' Ni. Tyaqui̱ ngu' bi' lo'o sca quii' tlyu nu nguxa' lo'o yuu sufri su ña'a̱ nu ñi'ya̱ ña'a̱ xlya' bi' ji'i̱ ngu'; jua'a̱ lcaa xca̱ nu cuentya ji'i̱ Ni ña'a̱ ji'i̱ ngu' bi' li'.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.

SAN LUCAS 14:33

Lo'o jua'a̱ cua ña'a̱ ca cu'ma̱ nu lye la ntsu'u tyiquee ma̱ ji'i̱ lcaa cha' tso'o nu ntsu'u ji'i̱ ma̱, ná taca caca ma̱ ñati̱ jna' li'.

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN LUCAS 16:24

Li' ngusi'ya nu culiya' bi' ji'i̱ Abraham: “Sti ya Abraham, cua'ni tya'na ti' nu'u̱ jna'. Ta nu'u̱ ji'i̱ Lázaro jua cha' ca̱a̱ ca̱lo'o xi hitya cha' co'o na', masi lo'o sne ti yu cuicha' yu xi tu'ba na' cha' ca'ya tyacala' xi ltse' na', cha' lye tsa tyique' nti' na' su ntsu'u na' lo quii' re.”

SAN MATEO 17:27

Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.