SAN MATEO 18:33 - Chatino Tataltepec

³³ Lo'o juani ni, ¿ni cha' ná ngua'ni tya'na ti' nu'u̱ ji'i̱ tya'a msu nu ndacui xti ti cñi hi̱, ñi'ya̱ ngua'ni tya'na ti' na' jinu'u̱?”

SAN MATEO 18:33 Referans Kwoze

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

EFESIOS 4:32

Xa' ña'a̱ cua'ni ma̱ juani. Xcui' tso'o ti cua'ni ma̱ lo'o tya'a ñati̱ ma̱, tyu'u tsa cha' clyu ti' ji'i̱ ma̱ lo'o tya'a ma̱; cua'ni clyu ti' ma̱ ji'i̱ qui'ya nu ntsu'u ji'i̱ ngu', cha' jua'a̱ cua ngua'ni clyu ti' ycui' Ndyosi ji'na xqui'ya Cristo.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN MATEO 5:7

’Lo'o jua'a̱ tso'o ntsu'u tyiquee ñati̱ nu tya'na ti' ji'i̱ tya'a ñati̱, cha' jua'a̱ cua'ni tya'na ti' Ni ji'i̱ ycui' ngu' bi'.

SAN MATEO 18:32

Hora ti ngusi'ya xu'na yu ji'i̱ msu tyaala bi' cha' xa' tya̱a̱ yu ca slo. “Cuxi tsa tyiquee nu'u̱”, nacui̱ xu'na ji'i̱ msu tyaala bi'. “Cua ngüijña nu'u̱ cha' clyu ti' 'na, lo'o jua'a̱ ngua'ni clyu ti' na' jinu'u̱ nquicha', masi quiña'a̱ tsa cñi ndacui nu'u̱ 'na.

SAN MATEO 18:34

Ngua ñasi̱' tsa xu'na msu bi' ji'i̱ msu tyaala bi' li', ngulo cña cha' xñi policia ji'i̱, cha' su'ba ngu' ji'i̱ ne' chcua̱, cha' xcube' ngu' ji'i̱ ña'a̱ cuayá' nu tya msu tyaala bi' lcaa cñi nu ndacui ji'i̱ xu'na yu. Bi' laca cui̱i̱ ji'i̱ rey lo'o msu ji'i̱.