SAN MATEO 18:32 - Chatino Tataltepec

³² Hora ti ngusi'ya xu'na yu ji'i̱ msu tyaala bi' cha' xa' tya̱a̱ yu ca slo. “Cuxi tsa tyiquee nu'u̱”, nacui̱ xu'na ji'i̱ msu tyaala bi'. “Cua ngüijña nu'u̱ cha' clyu ti' 'na, lo'o jua'a̱ ngua'ni clyu ti' na' jinu'u̱ nquicha', masi quiña'a̱ tsa cñi ndacui nu'u̱ 'na.

SAN MATEO 18:32 Referans Kwoze

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

SAN LUCAS 19:22

Li' nacui̱ rey bi' ji'i̱: “Msu nu xña'a̱ tsa laca nu'u̱. Xqui'ya cha' nchcui' nu'u̱ jua'a̱, bi' cha' sta na' qui'ya hi̱ li'”, nacui̱ rey. “Jlo ti' nu'u̱ cha' laca na' sca ñati̱ tiji, cha' nscua' nu nchcuá' xa' ñati̱, bi' laca nu caja jna'; jua'a̱ ndu'ni na' clacua, masi xa' ñati̱ ngua'ni cña bi', nacui̱ nu'u̱.

SAN MATEO 25:26

Ngua ñasi̱' xu'na lo'o msu bi' li'. “Sca msu xña'a̱ laca nu'u̱”, nacui̱ xu'na ji'i̱ msu bi'. “Taja tsa nu'u̱”, nacui̱. “Nacui̱ nu'u̱ cha' jlo ti' nu'u̱ ñi'ya̱ nu ndu'ni na', cha' nxuti'i̱ na' ltya masi ná ndyataa na' nscua'; lo'o jua'a̱ tyaa lo'o na' ji'i̱ nscua' masi ná ngua'ni na' cña ji'i̱”, nacui̱ nu'u̱.

SAN MATEO 18:27

Ngua tya'na ti' xu'na msu bi' ji'i̱ li', ngua'ni clyu ti' ji'i̱ msu ji'i̱ cuentya ji'i̱ tane' bi'. “Cua ndye tane' jinu'u̱ juani. Nga'aa ndacui nu'u̱ jna'”, nacui̱ xu'na yu ji'i̱ yu. Cua ndu'u msu bi' ndyaa li'.

SAN MATEO 18:31

Lo'o cua na'a̱ lcaa tya'a msu yu ñi'ya̱ ngua cha' cuxi nu ngua'ni yu tyaala bi', xñi'i̱ xi ti' ngu' cuentya ji'i̱ nu nga'a̱ ne' chcua̱ bi' li'. Bi' cha' ndyaa ngu' ca slo xu'na ngu' bi', ndacha' ngu' lcaa cha' bi' ji'i̱ xu'na, ñi'ya̱ nu ngua ji'i̱ nu ndacui cñi bi'.

SAN MATEO 18:33

Lo'o juani ni, ¿ni cha' ná ngua'ni tya'na ti' nu'u̱ ji'i̱ tya'a msu nu ndacui xti ti cñi hi̱, ñi'ya̱ ngua'ni tya'na ti' na' jinu'u̱?”

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.