SAN MATEO 18:31 - Chatino Tataltepec

³¹ Lo'o cua na'a̱ lcaa tya'a msu yu ñi'ya̱ ngua cha' cuxi nu ngua'ni yu tyaala bi', xñi'i̱ xi ti' ngu' cuentya ji'i̱ nu nga'a̱ ne' chcua̱ bi' li'. Bi' cha' ndyaa ngu' ca slo xu'na ngu' bi', ndacha' ngu' lcaa cha' bi' ji'i̱ xu'na, ñi'ya̱ nu ngua ji'i̱ nu ndacui cñi bi'.

SAN MATEO 18:31 Referans Kwoze

ROMANOS 12:15

Cua'ni chaa ti' ma̱ lo'o xa' ñati̱, nu lo'o ña'a̱ ma̱ ji'i̱ ngu' cha' chaa ti' ngu' ndi'i̱ ngu'; lo'o jua'a̱ tso'o si caca xñi'i̱ ti' ma̱ lo'o ngu', nu lo'o ña'a̱ ma̱ cha' xñi'i̱ ti ti' ngu' ndi'i̱ ngu'. Cua'ni ma̱ cha' caca stu'ba tyiquee ma̱ lo'o xa' ñati̱.

HEBREOS 13:3

Culacua ti' ma̱ ñi'ya̱ caca xtyucua ma̱ ji'i̱ ngu' tya'a ngusñi na cha' ji'i̱ ycui' Ndyosi, nu lo'o cua ngusu'ba ngu' ji'i̱ tya'a na bi' ne' chcua̱. Lo'o jua'a̱ xtyucua ma̱ ji'i̱ ngu' tya'a na nu quicha ti', xqui'ya cha' lya' ti' ngu' ji'i̱ ngu' bi'. Tyi'u ti' ma̱ cha' xtyucua ma̱ ji'i̱ ngu' bi', ñi'ya̱ si ycui' ca ma̱ nchcube' ma̱ lo'o ngu'.

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN LUCAS 19:41

Lo'o cua ndyalaa Jesús cacua ti to' quichi̱ Jerusalén, ngusi'ya tsa yu lo'o na'a̱ yu quichi̱ bi'. Li' nacui̱ yu ji'i̱ ngu':

SAN LUCAS 14:21

Lo'o ndyalaa msu slo xu'na chaca quiya', li' lcaa cha' nu nacui̱ ngu' ji'i̱ ndacha' ji'i̱ xu'na. Lye tsa ngunasi̱' xu'na ni'i̱ bi' li'. Lo'o li' nacui̱ yu ji'i̱ msu bi': “Yaa clya nu'u̱ lquichi̱ chaca quiya' cha' chcui' nu'u̱ lo'o ngu' nu ntsu'u nde calle jua, cha' ca̱a̱ ngu' ta'a slo na'. Chcui' nu'u̱ lo'o ngu' ti'i, lo'o ngu' quicha, lo'o ngu' nu cu' quiya', lo'o ngu' cuityi̱', lo'o lcaa ngu' quicha; li' tya̱a̱ lo'o ji'i̱ lcaa ngu' bi' ca nde”, nacui̱ xu'na msu bi'.

HEBREOS 13:17

Taquiya' ma̱ ji'i̱ ñati̱ nu laca cña cuentya ji'i̱ ña'a̱ taju ngu' tya'a ma̱; cua'ni ma̱ lcaa cña nu ndijña ngu' bi' ji'i̱ ma̱ cha' cua'ni ma̱. Tlyu tsa cña nu ntsu'u ji'i̱ ngu' bi', cha' xcui' ndube ti' ngu' ñi'ya̱ nu ndyu'ni sa scaa ma̱; nga'a̱ cha' xacui̱ ngu' cha' ji'i̱ ycui' Ndyosi si chañi cha' ña'a̱ ti tya tso'o ndyu'ni ma̱, xqui'ya cha' ngusñi ma̱ cha' ji'i̱ Ni. Pana tso'o la nti' ngu' bi', si ña'a̱ ti tso'o ntsu'u tyiquee ma̱ cua'ni ma̱ ñi'ya̱ nu nacui̱ ngu' ji'i̱ ma̱ cha' cua'ni ma̱. Si ná cua'ni ma̱ jua'a̱, caca xñi'i̱ ti' ngu' bi' li', cha' nga'aa caca xtyucua ngu' ji'i̱ ma̱ li'.

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

SAN MATEO 14:9

Ngua xñi'i̱ xi ti' Herodes nu laca loo bi' li'; pana cua ngua'ni yu jura slo lcaa ngu' nu ndya'a̱ ta'a, bi' cha' ngulo yu cña cha' cua'ni ngu' ñi'ya̱ nu nacui̱ nu cuna'a̱ bi'.

SAN MATEO 18:28

Tyucui̱i̱ nde su ndyaa yu, li' ndyacua tya'a yu lo'o tya'a msu yu nu ndacui xti ti cñi ji'i̱ yu. Hora ti ngusñi yu yane tya'a, tyaala tsa ngua'ni yu ji'i̱ tya'a msu yu. “¿Ni hora tya nu'u̱ cñi nu ndacui nu'u̱ 'na?” nacui̱ yu ji'i̱ tya'a msu yu.

SAN MATEO 18:30

Pana nu msu tyaala bi' ni, ná ngua tya'na ti' yu ji'i̱ tya'a msu yu tsiya' ti; hora ti ngusta yu qui'ya ji'i̱ ca toni'i̱ cña, cha' su'ba ngu' ji'i̱ ne' chcua̱ ña'a̱ cuayá' nu tya cñi nu ndacui ji'i̱ yu.

SAN MATEO 18:32

Hora ti ngusi'ya xu'na yu ji'i̱ msu tyaala bi' cha' xa' tya̱a̱ yu ca slo. “Cuxi tsa tyiquee nu'u̱”, nacui̱ xu'na ji'i̱ msu tyaala bi'. “Cua ngüijña nu'u̱ cha' clyu ti' 'na, lo'o jua'a̱ ngua'ni clyu ti' na' jinu'u̱ nquicha', masi quiña'a̱ tsa cñi ndacui nu'u̱ 'na.